san carlo parte iniziale volume 5 valletrompia.qxd - Brixia Sacra

BRIXIA SACRA
vel circa, ex quibus panes emuntur et inter habitantes per domos distribuuntur;
praeterea habet etiam quaedam alia bona que Consortii dicuntur, quorum
annui redditus sunt librarum 15, qui in vestiendos pauperes expenduntur, sed
legata authentica [f. 685v] habere non potuerunt. De distributione vero, ut
supra, patet ex libris antiquis suprascripte comunitatis, qui exibiti fuerunt.
Oratorium Sancti Ioannis Baptistae loci Avicini
Habet unicum altare cum annuo redditu librarum sex planetarum, quae per
vicinos in ornatum dicti oratorii expenduntur, in eo quandoque celebratur
et presertim cum vicinis infirmis sanctissimum sacramentum eucharestiae
est ministrandum.
Oratorium Beatae Mariae Virginis in Pertica
Habet unicum altare in quo quandoque ex devotione celebratur, nullos
habet redditus, sed eleemosynas, quarum curam habent deputati et consiliarii
a populo electi, quas in ornatum altaris et oratorii expendit massarius
a dictis deputatis electus, qui administrationum rationes singulis annis ipsis
deputatis refert, quibus in visitatione visis subscriptum fuit.
[b.] [f. 900r] In parochiali ecclesia Sancti Martini loci Trevisii
Operculum pyxidis deargentetur et de alia pyxyde pro infirmorum communione
provideatur. Tabernaculum pro processionibus cum lunula aptetur
ad formam infra mensem. Baptisterium aliud fiat formae tertiae
instructionum cum congruo ciborio et conopeo ad formam et a parte sinistra
ad introitum portae maioris collocetur. Sepiatur et integumentum
habeat infra sex menses. Vas autem in quo nunc aqua baptismalis asservatur,
pro aqua benedicta in hac ecclesia usui esse poterit.
Altare maius iconam decentem habeat et eius bradella ad formam fiat. In
fenestella cappellae a parte evangelii oleum infirmorum asservetur. Sedilia
lignea in choro aptentur. Cappella clathris ferreis in ingressu claudatur infra
sex menses. Ostium campanilis muro obturetur infra mensem, et alibi fiat,
150