san carlo parte iniziale volume 5 valletrompia.qxd - Brixia Sacra

SALÒ
Altare Sancti Stephani retrotrahatur ut parieti, qui a tergo est, connetatur
intra mensem. Sepulcrum e pariete prominens intra mensem tollatur.
Cappella dealbetur et pingatur. Gradus in ingressu cappellae respondeant
recta linea gradibus cappellae maioris, a parte anteriori cappellae clathris
ferreis sepiantur infra quatuor menses. Haecque omnia praestet cappellanus
titularis qui se ea honorifice intra duos annos praestaturum esse illustrissimo
visitatori in visitatione pollicitus est. [f. 955v] Vacuum illud super
portam maiorem intra ecclesiam muro adaequetur et ligna ibidem e pariete
existentia evellantur. Fenestrae ecclesiae vitreis et retibus ramneis 7 muniantur.
Parietes et fornix ecclesiae dealbentur et pingantur aut saltem aliqua
decenti pictura delineentur sive adumbrentur. Ostium campanilis in navi
aquilonari per quod etiam ad organum ascenditur tempore praesertim divinorum
officiorum clausum teneatur ne quid foedum intra illud agatur.
Fiant confessionalia sex ad formam eaque in loco aperto et congruo
ecclesiae collocentur. Labra aquae benedictae indecentia omnino tollantur
et fiant alia duo ad formam, quorum alterum a parte meridionali, alterum a
parte septentrionali prope portas laterales construatur 8 . Ne in posterum
bradellae quovis nomine etiam a communitate aut eius praefectis umquam
in ecclesia collocentur, sed ex episcopi concessu constitui poterunt aliquae,
quae vere sint omnino communes et simplices et in omnibus ad formam
praescriptam in instructionibus generalibus, quod si secus factum fuerit
ecclesia ipso facto interdicta esse censeatur donec extractae fuerint, permittuntur
tamen una uxoris illustrissimi [f. 956r] generalis serenissimi Dominii
qui hic presidet, altera pro uxore clarissimi rectoris pro temporibus. Fiat
porta unicuique navi minori ecclesiae in facie ipsius ecclesiae fenestrae item
oblongae super portas in facie navium minorum construendas fabricentur.
Ante portas ecclesiae quando communitas commode poterit constituatur
porticus decens ad formam capiens spacium latitudinis ecclesiae. Tectum
ecclesiae quamprimum reparetur et a parietibus ecclesiae ficus et arbusta alia
evellantur. Parietes ecclesiae a parte anteriori extrinsecus incrustentur, pingantur
et imagines Beatae Virginis Mariae et sanctorum titularium qui ex
utroque eius latere depicti sint. Postulat autem ecclesia tam insignis decentia 9
et dignitas 10 ut communitas stallum familiae de Roveliis, quod prospectum et
faciem ecclesiae impedit aliquando comparet destruendumque curet, ut ante
ecclesiam plateae spacium relinquatur quod eius amplitudini convenientiae
respondeat. In caemiterio extruatur cum commode poterit porticus versus
301