san carlo parte iniziale volume 5 valletrompia.qxd - Brixia Sacra

BRIXIA SACRA
Item altaria alia duo indotata. Dominus Maximus Grotus in visitatione illustrissimo
domino visitatori promisit se capellam Sancti Laurentii a fundamentis
constructurum [f. 671v] et ornaturum, necessariis indumentis et
supellectibus ecclesiasticis ac dotaturum redditu perpetuo pro celebratione
missarum duarum in singulo mense. Confessionem sub capella maiori, quae
altitudine fornicis et testudinis eius maximum impedimentum affert dictae
ecclesiae, ita ut a minima parte populi cum missae sacrificium in altare maiori
fit perspici sacerdos celebrans et audiri possit.
Coemiterium partim ab archipresbytero occupatum, et partim in publicam
plateam conversum. Sacristiam parvam. Domum parochialem ecclesiae
annexam. Ex eleemosynas et collectis fabricatur et instauratur ecclesia,
cuius curam habent quatuor deputati, qui a comunitate eliguntur. Redditus
annui huius parochialis beneficii sunt librae 500 planetarum vel circa. Ex
bonis praedictae parochialis alienata quaedam fuere et diminuta ficta non
legitime, et sine autoritate superioris.
Titularis est presbyter Thomas de Septis annorum 44, qui etiam est
capellanus capellae Sancti Faustini in monte dicti loci. De titulis beneficiorum,
et ordinibus legitime docuit praeter quam de prima tonsura, scientia
idoneus in munere parochi quo fungitur. Bonae vitae. Residet, sed habitat in
domo paterna. Clericum [f. 672r] non habet, sed coadiutorem tantum, ut ex
antiqua consuetudine teneri compertum est, qui quidem coadiutor nunc est
presbyter Rochus de Bellicanis annorum 54. De ordinibus et licentia coadiuvandi
in dicta cura legitime docuit, in quo munere satis habilis visus est.
Bonae vitae, ut dicitur. Habitat in suprascriptis aedibus parochialibus. Concionator
conducitur a communitate in quadragesima, ad cuius sustentationem
petit populus archipresbyterum contribuere. Catharina de Beltramis
conquesta est graviter quod Baptista de Prothasiis, post promissiones de
matrimonio contraendo cum ea copulam habuit, et nunc a fide recessit, ac
matrimonium contrahere recusat. Animae 845, quae sacram eucharestiam
sumunt 600 vel circa. Schola Doctrinae christianae nulla fere exercetur.
Oratorium Sancti Ioannis Baptistae est aedibus parochialibus annexum.
Altaria non habet. Adest legatum Andreae de Septis ducati unius in
annum, cum onere duarum missarum in singulis mensibus, quod licet de
anno 1506 conditum fuerit, hactenus tamen executionem non habuit. In
suprascripto oratorio est baptisterium sed incongruum.
90