san carlo parte iniziale volume 5 valletrompia.qxd - Brixia Sacra

BRIXIA SACRA
mensem examini casuum conscientiae se praesentet, hoc idem praestet presbyter
Baptista de Bonaspectis, eius coadiutor coram ordinario.
In ecclesia Sancti Faustini
Altare ad formam reducatur et sepiatur infra duos menses. Aliud altare sine
nomine tollatur infra tres dies et reliquiae ab archipresbytero apud caeteras
in ecclesia Beatae Virginis Mariae collocentur. Fenestellae ab utraque parte
suprascripti altaris tollendi obturentur pariete, nisi eo in loco construatur
sacristia ut promissum est infra mensem. Fenestra a parte septentrionali
fiat ad formam; pavimentum ecclesiae infra mensem resarciatur. Incrustentur
et dealbentur parietes ecclesiae infra menses tres. Fiat labrum aquae
benedictae magis decens a parte orientali.
Per archipresbyterum et communitatem eligantur, qui curam habeant
eleemosynarum et fabricae huius ecclesiae, qui etiam singulo anno administrationum
rationes coram eodem archipresbytero reddant.
In oratorio Sancti Rochi campestre
Altare et bradella ad formam reducantur. Provideatur de cruce, candelabris,
pallio et mappis. Claudatur cappella a parte anteriori. Fiant sperae saltem ex
tela cerata fenestris. Fenestra rotunda supra portam maiorem construatur.
Soffita assidibus conficiatur. Ne ante celebretur in eo quam de suprascriptis
et aliis necessariis [f. 930v] etiam provisum sit, iudicio vicarii foranei.
In ecclesia Sancti Vigilii in Monte
Fiat icona ac bradella. Altare ad formam reducatur et cancellis ligneis sepiatur.
Provideatur de cruce, candelabris, pallio et mappis infra mensem. Tectum
et sub eo soffita conficiatur. Oratorium nimis fatescens reparetur.
Portis valvae fiant, quae pessulo claveque muniantur nec pateat praeter
cum in eo processiones vel missae aut orationes habentur, quae omnia infra
sex menses praestentur et ad ea concurrat populus pro quarta parte, titularis
pro tribus partibus et ideo in eius praeiudicium sequestrentur fructus et
relaxentur deputatis fabricae eiusdem ecclesiae eleemosynae autem, quae
in eo colligentur per deputatos a reverendissimo episcopo cum interventu
archipresbyteri in fabricam ecclesiae et ornatu altaris impendantur.
Abusus in diebus Sanctae Crucis et Sancti Marci solenni processione
plantandi ramos arborum in quattuor angulis Montis, in quo sita est dicta
ecclesia, et cantandi quattuor evangelia diversa aliaque peragendi, longe
226