san carlo parte iniziale volume 5 valletrompia.qxd - Brixia Sacra

VALLE SABBIA
fontis baptismalis sit distinctus a sacrario cum ciborio congruo. Cappella a
parte sinistra ad introitum portae maioris ad formam construatur, quae extra
parietem promineat cubitis quinque cum dimidio, ornetur et claudatur ad formam
et in ea baptisterium 1 collocetur infra annum.
Altaris maioris bradella ad formam reducatur. Cappella in ingressu
claudatur clathris ferreis infra quattuor menses. [f. 938v] Confessionale,
quod est in choro ad formam reducatur et transferatur in locum patentiorem
ecclesiae et fiat alterum ad formam.
In altare Sanctae Catharinae
Pars parietis adiuncta huic altari a parte evangelii tollatur, ita ut commode
a clerico circuiri possit, attento quod nimis longum est. Fiat crux, claudatur
altare supposito gradu lapideo, super quem a bradella altaris ad cancellos
sit spatium cubiti unius et unciarum sexdecim et integumentum decens
adhibeatur et haec omnia infra quattuor menses praestentur. Altaria duo,
Sanctissimi Sacramenti videlicet et Sancti Antonii, infra octo dies tollantur,
quod si redificanda erunt, inter pilastratas arcuum ecclesiae cappellae prominentes
extra parietem cubitis quinque cum dimidio construantur, pingantur,
ornentur, claudantur ad formam et in eis altaria aedificentur et de
necessariis iuxta instructiones generales provideantur. Ad altare Sanctae
Ursulae fiat icona, praeterea eadem praestentur quae ad altare Sanctae
Catharinae e regione positum supra ordinata sunt infra sex menses.
Pavimentum ecclesiae reficiatur, soffita reconcinnetur. Vitreae fenestris
adhibeantur infra duos menses. Tollantur assides et transitus ad campanile
super altare Sanctae Ursulae infra octo dies. Aedificetur nova sacristia iuxta
cappellam maiorem a parte [f. 939r] epistolae infra annum et ubi perfecta fuerit
dextruatur fornix loci, in quo nunc paramenta asservantur et campanarum
funes descendant. In coemiterio septo reparetur et in eo erigatur crux. Pingatur
imago Sancti Petri supra portam maiorem infra mensem. In sacristia provideatur
de corporalibus, de purificatoriis et de vase pro eorum ablutione et
de sacculis diversorum colorum infra mensem. Fiant paramenta album et viride
cum suis ornamentis infra sex menses. Praeterea, quam primum poterit,
omnia comparentur quae in instructionibus generalibus de suppellectile
ecclesiastica parochialis ecclesiae et eius sacristiae commonstrata sunt.
Schola Sanctissimi Sacramenti, quae cum non docuerit de eius legitima
erectione, erecta iam nunc est ab illustrissimo visitatore, servet regulas ad
247