san carlo parte iniziale volume 5 valletrompia.qxd - Brixia Sacra

BRIXIA SACRA
Ioseph de Giraldis loci Limoni, ut in actis visitationis constat, contra quam
promissionem et obligationem si contravenerit poenis in eisdem contentis
afficiatur ac etiam contra eum, et eius fideiussorem per reverendissimum
ordinarium eiusque vicarios severe agatur, propositis deinceps etiam aliis
gravioribus poenis arbitrio eiusdem reverendissimi ordinarii.
In oratorio Sancti Hieronymi loci Campioni
Bradella reficiatur et altare claudatur cancellis ligneis. Pavimentum altius
extruatur ut captum est, et perficiatur 9 quam primum. Parietes dealbentur
et fenestrae muniantur, speris saltem tela caerata. Fiant alia saramenta ad
formam decentia et donec de suprascriptis praeterea de alteris necessariis
vicario foraneo provisum sit, in eo ne celebretur et clausum sit, praeterquam
quod in [f. 852r] tempore orationis doctrinae christianae, missae, et
usuum ecclesiasticorum huiusmodi.
In oratorio Sancti Michaelis in Montibus
Altare tollatur, et oratorium ipsum claudatur, nec in eo celebretur.
In oratorio Sancti Marci loci Pregatii
Altare et bradella ad formam reducantur, et cancellis ligneis sepiatur infra
duos menses. Fenestrae speris tela cerata muniantur. Provideatur de cruce,
candelabris. Coemiterium sepiatur et crux in eo collocetur et donec de
suprascriptis, et aliis etiam necessariis iudicio vicarii foranei provisum sit in
eo ne celebretur.
In ecclesia Sancti Bartholomei loci Vesii
Cappella maior termino unius anni ad formam iudicio vicarii foranei et episcopi
approbandam fabricetur et interim altare a parte anteriori cancellis
ligneis claudatur, et fiat icona magis decens. Fenestra a tergo altaris muro
obturentur. Provideatur de candelabris aeneis, corporalibus, sacculis
eorum purificatoriis, de vase item pro eorum ablutione infra mensem.
Pavimentum ecclesiae reficiatur infra duos menses. [f. 852v] Altare Sancti
Laurentii tollatur et donec sacristia ad formam fabricata sit, fornice sub
qua dictum altare est situm, muro claudi poterit pro assecuratione armariorum
paramentorum, quae quidem ecclesiam hanc satis angustam occupant,
et impediunt. Haec ecclesia, cum primum ab illustrissimo visitatore
30