san carlo parte iniziale volume 5 valletrompia.qxd - Brixia Sacra

VALLE SABBIA
videlicet altare maius, cum schola ut infra et cetera. Sacristiam habet pulchram.
Haec ecclesia habet redditus annuos librarum 10, praeterea etiam
cum in ea sit cuncursus populi ex devotione diebus praesertim solemnibus
beatae Virginis Mariae fiunt oblationes et eleemosynae, quae in anno esse
poterunt librarum 300, quarum curam habent massarii quatuor a populo
electi, qui eas in ornatus dictae ecclesiae, in pauperes sublevandos et in
celebrationem missarum impendunt. [f. 708v] Singulo anno massarii
mutantur vel confirmantur sine interventu curati, nam a Sede apostolica
obtinuerunt posse sine interventu eius dictas eleemosynas administrare.
Visis administrationum rationibus subscriptum est quandoque tamen, ut
dictum fuit, pecuniae dictae ecclesiae communitati Sabii mutuo dantur.
Cappellanus amovibilis nunc est presbyter Ioannes Maria Barutius
annorum 26, de ordinibus docuit. Scientia habilis ad audiendas confessiones,
bene audit; habitat cum curato eius patruo in aedibus parochialibus.
Celebrat in suprascripta ecclesia bis in hebdomada cum annua mercede
librarum 60, reliquis autem diebus in parochiali celebrat.
Schola Rosarii, nuper erecta, regulis et redditibus caret. Eleemosynae
esse poterunt librarum 30 in annum, ex quibus altare ornatur. Regitur a
duodecim deputatis per societatem electis; visis eorum administrationum
rationibus subscriptum est.
Oratorium Sancti Petri undique apertum et inornatum, habet unicum
altare sine redditibus, in quo non celebratur.
Oratorium Sancti Iohannis Baptistae loci Pavoni membrum suprascriptae
parochialis consecratum creditur, habet altare unicum inornatum, et
sine redditibus, in quo ex consuetudine curatus Sabii semel in hebdomada
celebrat. Adest etiam sacristia, et coemiterium clausum, incolae huius loci
sunt 250 et spatium milliaris a parochiali distant.
[f. 709r] Ecclesia Sancti Martini loci Sabii Superioris, membrum suprascriptae
parochialis nuper a populo magnifice extrui coepta. Non consecrata,
habet duo altaria, videlicet altare maius et aliud indotatum, in ea
celebrat curatus Sabii bis in hebdomada. Sacristiam. Nullos redditus habet.
Vicini sunt 500.
253