san carlo parte iniziale volume 5 valletrompia.qxd - Brixia Sacra

BRIXIA SACRA
In frontispicio ecclesiae super ostium imagines sanctorum Faustini et
Iovitae pingantur exprimanturve. A parte anteriori coemiterium claudatur
ita ut distinguatur muro ab ingressu parochialis domus et in eo crux erigatur.
In sacristia perficiatur lavatorium infra mensem, et calix prophanatus
inauretur. [f. 847r] Provideatur de purificatoriis, corporalibus et de sacculis
eorum, de vase item pro abluendis purificatoriis, ac de velis infra mensem.
Praeterea comparentur quamprimum poterit, ad huius ecclesiae altarium
et sacrestiae usum, omnia necessaria quae in instructionibus generalibus
de suppellettili ecclesiae parochialis commonstrata sunt.
Schola Sanctissimi Sacramenti quae cum non docuerit de eius legitima
erectione, ab illustrissimo visitatore iam nunc erecta est, servet regulas ad
usum communem provinciae Mediolanensis edendas. Distributio panis
usu tantum introducta, quae tam divitibus quam pauperibus in die purificationis
Beatae Virginis Mariae expensis scholae Sanctissimi Sacramenti fit,
cum praeter eleemosynae abusum et scholae dispendium ad aliquod etiam
superstitionis periculum se vergat, omnino tollatur.
In oratorio Sancti Sebastiani, in quo est schola Disciplinatorum, altare
nimis angustum ad formam reducatur et in eo donec provisum sit de icona,
de mappis, paliis 2 et aliis necessariis iudicio reverendissimi ordinarii ne
celebretur. Fenestrae nimis 3 dimissae per quas e via publica introspicitur
muro obturentur infra octo dies. Schola Disciplinatorum in suprascripto
oratorio, quae cum non docuerit de eius legitima erectione, iam nunc erecta
est ab illustrissimo visitatore, regulas ad usum communem provinciae
Mediolanensis editas observet et administrationum [f. 847v] rationes scholares
singulo anno, ut caeptum est, curato referant.
In oratorio Sancti Rochi
Altare ad formam reducatur, claudatur et provideatur de cruce, et aliis
necessariis bradellaque ad formam reficiatur. Fenestrae vitreis vel speris ex
tela cerata saltem muniantur. Provideatur de labio aquae benedictae ad formam.
Parietes oratorii incrustentur et dealbentur. Tectum ante portam, ne
pluvia in oratorium defluant, protrahatur. Instaurentur valvae ostii ita ut
commode aperiri et claudi possint. Calix prophanatus inauretur. Donec
omnia suprascripta executioni demandata fuerint, et de aliis necessariis
iudicio vicarii foranei provisum fuerit, in eo ne celebretur.
16