san carlo parte iniziale volume 5 valletrompia.qxd - Brixia Sacra

BRIXIA SACRA
LIANO (ROÈ VOLCIANO), SAN PIETRO
[Decreta particularia, II, f. 1056r
Brescia, XXIII, q. 1, ff. (16-17)]
[Visita apostolica, VI, pp. 103-116]
[f. 1056r] In ecclesia parochiali Sancti Petri Liani
Spatia temporis ad praestanda quae prioribus decretis constituta sunt ad
preces populi, etiam ob damna a grandine in eorum agros et vineas hoc
anno illata proroganda, illustrissimus visitator censuit quae ergo de alienandis
aedibus parochialibus infra duos annos, et aliis aedificandis prope
ecclesiam constituta sunt; de structura item sacristiae vestibuli ante ecclesiam
et cappellarum infra duos etiam alios annos praestari posse concedit;
aliis praeterea decretis exequendis totidem spatii addit, quantum iam illis
singulis praestandis, iam assignatum fuerat.
VOBARNO, [BEATA VERGINE MARIA]
[Decreta particularia, II, ff. 1056r-v
Brescia, XXIII, q. 1, ff. (17-19)]
[Visita apostolica, VI, pp. 119-134]
[f. 1056r] In ecclesia archipresbyterali Buarni
Altare Sancti Ioseph, quod inter alia, quae tollenda sunt, ornatius est, ut
populus iam petiit, permittitur, modo populus ipse, aliusve infra mensem
pubblico instrumento caveat de construenda cappella extra parietes ecclesiae
prominentes ad praescriptum decretorum et instructionum infra tres annos,
et in eam altare praedictum transferre, quo mensis elapso spatio, si praedicta
cautio praestita non erit, altare omnino tollatur nec ante ea in ecclesia celebretur
post illud mensis spatium. Spatium, quod de exequendis decretis huius
visitationis alias editis assignatum fuit, ad tres, pluresve annos prorogatur,
quo modo quinquaginta aurei saltem, praeter ea, quae debet archipresbyter
quotannis in ea a populo confe- [f. 1056v] rantur, donec omnia integre praestita
fuerint, ut ipsius populi nomine promissum fuit illustrissimo visitatori.
Fornix sub campanili et ostium versus coemiterium, quae in prioribus
decretis tollenda erat, ad populi preces conceduntur, modo fornice eadem
perforata funibus campanarum descendere liceat ad pavimentum usque
loco in quo nunc paramenta servantur, nec tamen per eam descensus in
ecclesiam pateat, et ostio campanilis extra ecclesiam scala adhibeatur.
456