san carlo parte iniziale volume 5 valletrompia.qxd - Brixia Sacra

BRIXIA SACRA
lacum ubi nunc sepulcra quamplurima decenter facta sunt, ut a pluviis et gelu
non laedantur. Latrinae publicae in capite caemiterio tollantur, vel si relinquendae
sunt ad usum domus construendae [f. 956v] pro concionatore;
impediantur iam nunc omnino aditus populi per caemiterium ad illas clauso
vel si ea ratione satis provisum non sit muro etiam obstructo ostio.
In domibus archipresbyteralibus, accessus per quem a tergo cappellae
maioris ad latrinas descenditur infra octo dies penitus tollatur, et in horto
vel alibi longe a parietibus cappellae fiat ut libere ecclesia ex ea parte quae
etiam consecrata censetur circuiri possit. Ostium caemiterii non aperiatur
nisi necessitas postularit sed clausum clave teneatur, quae sit penes sacristam.
In summa parte eiusdem ostii extrinsecus crucis imago ad instructionum
praescriptum exprimatur. Crux etiam in medio cemiterii erigatur cum
aliquo integumento ad formam.
Oratorium Sanctissimi Sacramenti annexum archipresbyterali ecclesiae
a parte meridionali, altare sublato, oneribusque eiusdem et emolumentis ad
altare maius translatis, sit ad usum scholarum in eoque termino diei ordine
collocentur armaria omnium scholarum quae nunc ecclesiam impediunt,
poterit autem successu temporis super illo fabricari locus ad usum congregationum
eiusdem scholae, aut congregationis scholae Institutionis 11 christianae
vel alterius scholae arbitrio reverendissimi episcopi.
Oratorium Sancti Christophori in capite caemiterii quod auctoritate
[f. 957r] apostolica iam nunc illustrissimus visitator prophanat et prophanatum
esse declaravit et declarat, translatis ossibus ut infra cum suo altare
eiusque scholae oneribus et emolumentis, translatum iam nunc censetur ad
cappellam nuper cum suo altari extruendam in spatio portae lateralis versus
coemiterium et sepulturae humo impleantur, translatis in caemiterium
ossibus mortuorum, dictum vero oratorium sit prophanatum, ad usus
indecentes ne convertatur sed ad usum sit congregationum scholae Charitatis,
liceat autem communitati intra biennum in eo domum et habitationem
concionatoris extruere.
Schola Sancti Christophori ad dictum altare translata et cum schola Charitatis
in visitatione erecta et unita, construat et ornet cappellam et altare
praedictum et servet regulas Charitatis a reverendissimo episcopo tradendas
vel comprobandas. Privilegium altaris quod a summo pontifice per communitatem
pro aliquo altarium huius ecclesiae requiritur novo altari Sancti
Christophori conferri procuretur, quo obtento sacerdos per reverendissi-
302