san carlo parte iniziale volume 5 valletrompia.qxd - Brixia Sacra

RIVIERA DEL GARDA
ligit. In populo bene audit. Dicta ecclesia habet coemiterium, et domum
ecclesiae contiguam, in qua suprascriptus cappellanus habitat. Fabricae,
ornatibus et supellectilibus ecclesiae homines dicti loci provident. Vicini
huius ecclesiae sunt 500, milliaribus circiter duobus a parochiali distantes,
et quia iter montuosum hyemis tempore et pluviarum, non sine incommodo
ad sacramenta percipienda in parochiali Tusculani accedere possunt.
Ecclesia Sancti Nicolai loci Sicini
Non consecrata. Habet tria altaria. In ea est cappellania de iurepatronatus
ut asseritur illorum de Bosellis, quae habet redditus annuos aureorum septuaginta
vel circa, cum onere quotidie celebrandi et ut dictum fuit residendi.
Titularis est presbyter Nicolaus de Bosellis annorum 56 qui de ordinibus
et de titulo benefitii [f. 670r] legitime docuit, legit et parum intellegit.
Bonae vitae, ut dicitur, habitat Boraci 5 et per se ipsum oneri suprascripto
satisfacit. Dicta ecclesia habet coemiterium in quo vicini sepeliuntur, et
domum contiguam in qua capellanus habitat quandoque, sed maxima reparatione
eget. Peregrinus de Peregrinis reliquit nonnulla bona hominibus
villarum Sicinae et Musaghae cum annuo onere annualium novem, et in
singulis eorum missarum duodecim distribuendi item modium panis frumenti
pauperibus dictorum locorum. Vicini sunt numero 470, qui petunt
suprascriptum legatum Peregrini de Peregrinis erigi in capellania, cum a
parochiali duobus milliaribus distent.
Ecclesia Sancti Georgii loci Rovinae
Non consecrata. Habet tria altaria. Redditum annuum ducatorum octo vel
circa, qui quidem a diversis relicti fuerunt, ut ex eis sacerdos amovibilis
conducatur, qui diebus festis in dicta ecclesia celebret. Capellanus amovibilis
nunc est presbyter Iacobus de Contis, annorum 38, qui de ordinibus
legitime docuit. Legit, sed non satis intelligit. Bonae vitae, ut dicitur, habitat
in aedibus ecclesiasticis. Dicta ecclesia habet coemiterium septum et
domum annexam ecclesiae, in qua capellanus ipse habitat. Familiae quaedam,
nempe domini Hieronymi Faustini et dominae Magdalenae de Astis
prope dictam ecclesiam habitantes, [f. 670v] qui ob longitudinem viae difficiliter
ad sacramenta percipienda accedere possunt in ecclesia archipresbyterali
Tusculani, petunt aplicari cure Sancti Petri Agrini, cui magis vicinae
sunt et in cuius territorium existunt.
77