san carlo parte iniziale volume 5 valletrompia.qxd - Brixia Sacra

SALÒ
loco ita congruo ne ea occasione inter viros confuse versentur. In solemnitate
Santissimi Corporis Christi et alias etiam cum sanctissima [f. 965r]
eucharistia circumfertur in altaribus quae in via et plateis parantur, ne
deponatur sed recto ordine procedente ad ecclesiam ad quam defertur
etiam reportetur et in processione et in aliis etiam curae sit archipresbitero
ne actiones prae foribus aedium aut in via contra provincialia decreta represententur,
proposita etiam si opus erit poena interdicti ab ingressu ecclesiae
repraesentantibus.
Processiones quas intra fines huius parochiae fieri contigerit, ne in
posterum sine archipresbiteri licentia consensuve fiant. In domibus archipresbyteralibus
die sabbati sancti sub praetextu charitatis nec prandia nec
comessationes a clero fiant, sed unusquisque curatus eiusve cappellanus
receptis aqua baptismali et oleis sacris processionaliter duobus optatis
luminibus cum populo ieiunus ita opportune ad propriam ecclesiam redeat,
ut eodem mane missae sacrificium facere coeteraque ministrare possit,
quae illius diei ratio maxime postulat, coeteri vero sacerdotes et clerici
Salodii habitantes peractis divinis officiis in propriis domibus ut solent
coeteris diebus cibum capiant. Cappellani huius ecclesiae ut quarto provinciale
concilio vetitum est oblationes deinceps inter missae sacrum aut eleemosynas
non recipiant, exigantur etiam nomine et ad utilitatem archipresbiteri
nisi cum aliquando ob eius impedimentum parochialem archipresbiteralemve
missam pro eo celebrent, quo casu tota oblatio ad eundem pertineat,
nulla illis assignata vel reservata portione.
Conciones in funeribus non in domibus privatis a laicis ipsis sed in ecclesia
a sacerdotibus obeantur, quos reverendissimus episcopus ad id approbant
quo in munere ea omnia observent quae a concilio provinciale primo
praescripta sunt. Cappellani coeterique ecclesiastici ordinis Doctrinae christianae
scholis, quae a viris exercentur, intersint, eosque adiuvent in pueris
aliisque docendis [f. 965v] et qui ad confessiones audiendas approbati sunt
in eam curam diligenter incumbant ut ad poenitentiae sacramenta ea etiam
occasione plures inducant atque ideo etiam eo ipso tempore et virorum et
foeminarum confessiones libenter audiant et in utrisque scholis qui ad id
probati sunt sermones et horationes ad eos aliquando habeant.
Archipresbytero curae sit ne eo tempore, quo schola doctrinae christianae
in oratorio Disciplinatorum Sancti Bernardini exercetur, a clamoribus et
strepitibus extrinsecus ludentium aliisque impedimentis laedatur. Ea parte
311