san carlo parte iniziale volume 5 valletrompia.qxd - Brixia Sacra

BRIXIA SACRA
eiusque vicarios severe agatur, propositis etiam in posterum aliis poenis
severioribus arbitrio eiusdem reverendissimi ordinarii.
Petrus Cremensis infra unum diem prout facere promisit Dominicam
Bolgarinam eius concubinam a domo sua missam faciat nec eam deinceps
admittat nec extra domum cum ea conversari seu cohabitare vel aliquod
genus comercii directe vel per indirectum habeat sub poena aureorum
quinquaginta et excomunicationis in subsidium, prout nobilis dominus
Ioseph Frocasulus de Salodio pro eo fideiussit in actis visitationis.
Marcus de Barbis uxoratus prout eidem in facie praeceptum fuit sub
excomunicationis poena Catharinam de Pompagnis adulteram dimittat nec
cum ea deinceps conversari seu cohabitare aut aliquod comercium quovis
modo habeat, quinimmo sub eadem excommunicationis poena infra tres
dies cohabitet cum Catharina filia domini Iohannis Mariae Assulani eius
uxore legitima, de qua cohabitatione fidem in actis visitationis exhibeat
alioquin eo termino elapso excommunicatus publicetur.
Simon Veronensis Mariam de *** eius concubinam missam faciat nec
eam secum deinceps ad conversandum seu cohabitandum aut aliquo modo
comercium habendum admittat, poena aureorum quinquaginta auri Monti
pietatis Salodii applicandorum et excomunicationis in subsidium prout
eidem Simoni in facie factum fuit preceptum.
Dominica de Tabaldinis prout eidem praeceptum factum fuit sub poena
aureorum centum et excommunicationis in subsidium cohabitet cum
Iohanne de Ballarinis eius viro. [f. 967v] Dominus Iohannes Petrus Cerutus
prout eidem factum fuit praeceptum in facie infra mensem presentem
augusti in uxorem ducat in facie ecclesiae, servatis de iure servandis dominam
Theodosiam de Cigalis viduam iuxta promissionem inter eos factam
iam annis duobus prout ipse fassus est vel in eodem termino deducat
coram praefato illustrissimo vel reverendissimo ordinario quare ad id non
teneatur.
Dominus Simon de Segallis, Ioannam de senzano eius concubinam
penitus missam faciat nec eam aliquo modo ad conversandum aut ad
servitia aliqua aut ad cohabitandum aut ad aliquod genus comercii admittat
sub poena aureorum quinquecentum Monti pietatis Salodii applicanda et
excommunicationis in subsidium prout ipse promisit in actis visitationis.
Simon Terminellus Dominicam de *** eius concubinam omnino missam
faciat nec cum ea deinceps cohabitet vel converset comerciumve ali-
314