san carlo parte iniziale volume 5 valletrompia.qxd - Brixia Sacra

BRIXIA SACRA
maius transferuntur. Fenestella super altari Sanctissimi Sacramenti muro
obturetur et e pariete signa Sanctissimi Sacramenti tollatur intra tres dies.
Parietes ecclesiae incrustentur 59 et dealbentur, non tamen ubi sunt imagines
sanctorum intra duos menses. Lapides ab ecclesia exportentur. Integumentum
ligneum ubi alias erat altare Beatae Virginis Mariae a pariete
evellatur intra diem. Feretrum ab ecclesia tollatur et in porticu caemiterii
collocetur. Tollatur labrum aquae benedictae e medio ecclesiae et duo
magis decentia comparentur. [f. 978v] Confessionale ad formam fiat. In
sacristia fiant oratorium et lavatorium et ipsa dealbetur intra mensem. Provideatur
de purificatoriis, de corporalibus et eorum sacculis diversorum
colorum atque 60 de velis item 61 et de vase pro abluendis corporalibus et haec
intra mensem. Armarium pro paramentis ornetur. Fenestra vitreis muniatur.
Fiat paramentum viridis coloris intra sex menses.
Caemiterium a sterpibus emundetur et in eo crux erigatur. Vicini huius
oratorii, qui sunt numero 350 vel circa et distant per miliare unum cum dimidio
a parochiali, perseverent in contribuendo stipendium sufficiens sacerdoti
qui missas celebret et institutionem christianam doceat, etiam previo examine
ab episcopo approbatus sacramentum poenitentiae ministrare possit.
In ecclesia Sanctae Crucis Villae sub plebe Salodii
[f. 979r] Pixis cum cuppa argentea ad formam reducatur. Tabernaculum
ligneum panno serico introvestiatur. Altaris maioris bradella reficiatur. A
parte anteriori saltem cancellis ligneis sub crucifixi arcu claudatur et haec
omnia infra duos menses perficiantur. Altare Beatae Virginis Mariae tollatur
et schola eiusdem cum oneribus et emolumentis, si quae sunt, iam nunc ad
altare maius transferuntur, quo altari sublato fornix eiusdem muro obturetur
et erit pro sacristia. Confessionale ad formam fiat. Provideatur de purificatoriis,
de corporalibus et sacculis eorum, de vase item pro eorum ablutione.
Parietes ecclesiae dealbentur et 62 haec 63 omnia intra tres menses praestentur.
Campanile et domus sacerdotalis perficiantur. Item ab angulo campanilis
qui in curte domus sacerdotalis praeminet usque ad latus dextrum portae
[f. 979v] ad introitum eiusdem domus per rectam lineam paries congruae
altitudinis construatur ita ut ingressus ecclesiae sit omnino distinctus
ab ingressu domus sacerdotalis cui aliud ostium fabricetur intra annum.
Vicini huius oratorii, qui sunt numero 250 et distant per miliare a parochiali,
perseverent ex collectis inter ipsis contribuere sufficiens stipendium
326