san carlo parte iniziale volume 5 valletrompia.qxd - Brixia Sacra

VALLE SABBIA
et supellectilium curam habet populus ex contributionibus et collectis. Animae
600, quae sacram eucharestiam sumunt 350 vel circa, quae cum per milliaria
tria distant a parochiali ecclesia Amphi et difficile ad sacramenta percipienda
et divina audienda in ea convenire possint ob torrentes interpositos,
etiam ab archipresbytero Hidri in totum in visitatione assignata fuere perpetuis
temporibus ducati 15 in anno. Doctrina christiana non exercetur.
Schola Sanctisimi Sacramenti. Non erecta, caret regulis redditibusque.
Regitur a duobus massariis qui singulo anno a societate [f. 688r] eliguntur,
ex eleemosynis ornamenta altaris, cerei et supellex quae in processionibus
Sanctissimi Sacramenti adhibetur, comparatur. Rationes administrationum
societati ipsi 3 redduntur.
Legata pia. Adest legatum modiorum sex furmenti a domina Tisbide de
Lodronis conditum, ut per singulas domos habitantium in dicto loco
distribuatur. Item nonnulla alia legata charitatum, ut dicitur, quae ascendunt
ad summam librarum sex in annum.
Oratorium Sancti Antonii habet unicum altare sine redditibus, in eo
tamen oblationes et eleemosinae fiunt, quarum curam habent massarii duo
per commune Amphi electi, qui eas in ornatum altaris impendunt et eidem
comuni administrationum rationes singulis annis referunt.
Die 6 maii
Visitavit ecclesiam Sancti Bartholomei loci Lavinoni membrum parochialis
Hidri. Consecratam, ornatam et in ea Sanctissimum Sacramentum, ante
quod lampas impensis communis assidue lucet. Reliquias in vase ferreo
indecenti asservatas. Baptisterium non ad formam. Altaria quatuor, videlicet
altare maius et alia tria indotata. Sacristiam, coemiterium clausum, et
domum sacerdotalem in capite coemiterii ecclesiae [f. 688v] contiguam.
Populus ex contributionibus incumbit fabricae et reparationi ecclesiae et
de eius suppellectilibus providet. Redditus non habet, sed ex contributionibus
eidem populus singulo anno sacerdoti aureos quinquaginta persolvit,
qui missas celebrat, et sacramenta ministrat, quia licet haec ecclesia sit
membrum parochialis Hidri, tamen populus numerosus, et a dicta parochiali
spatio milliaris distat, et iter difficile est ob inondationes Clisis fluminis,
quare non sine incommodo magno ad divina audienda et sacramenta
sumenda in dicta ecclesia Hidri accedere potest.
157