san carlo parte iniziale volume 5 valletrompia.qxd - Brixia Sacra

SALÒ
mum episcopum eligatur qui cum interventu deputatorum scholae Sancti
Christophori missarum et eleemosinarum dicti altaris privilegiati curam
habeat easque in libro referat quarum eleemosinarum ne minimum quidem
accipiant sacerdotes qui eo ipso die, in alio altari celebrare, teneatur.
[f. 957v] In sacristia ex utraque parte altaris lignei construantur in angulis
oratoria seu celulae lignae in quarum altera possit sacerdos celebraturus se
colligere orando, in altera vero sacerdotum confessiones audiantur. Provideatur
de aspersorio argenteo, de vase pro abluendis corporalibus et purificatoriis,
de pulvinaribus et integumentis sericeis, missalium variorum colorum
pro ritu ecclesiae. Ex panno serico albi coloris auro intexto fiant cassula, tunicellae,
pluviale, lectorilia, pulvinaria, integumenta missalis et palium altaris
cum coeteris rebus ad altaris ornatum necessariis. Alia item omnia ex praescripto
instructionum generalium ad usum ecclesiae collegiatae et curatae.
Liceat communitati de consensu etiam archipresbyteri in visitatione
praestito construere super sacristia domum ad usum habitationis sacristae,
cui ingressus etiam sit per domum archipresbyteralem. In sacristia sit
tabella functionum missarum, erratorum, onerum altarium, anniversariorum,
disciplinae chori ad usum provinciae Mediolani aliaque ad praescriptum
conciliorum provincialium et instructionum. [Per archipresbyterum
et capitulum ressidentium archivium in sacristia aliove in loco in aedibus
huius ecclesiae constituatur in quo asserventur iura, privilegia cappellarum
et capituli] [f. 958r] aliaeque scripturae quaecumque apud illos tunc fient
aut in posterum provenient, quod archivium duabus diversis clavibus
munitum sit, quarum altera apud archipresbyterum, altera apud cappellanum
a capitulo residentium deputatum asservetur.
Populus et communitas huius loci, quae tanta largitate studio et pietate
totam hanc ecclesiam insignem quidem magnifice construxit et ornavit et
sacram eiusque sacristiae ei suppellectilem semper suppeditavit tum pro
missis celebrandis, tum pro aliis omnibus divinis officiis et ministris ea
etiam, quae ad structurae ipsius eiusque sacristiae ornamentorumque perfectionem
et suppellectilis supplementum in hac per archipresbyterum
apostolico iussu et auctoritate etiam praestita visitatione decreta sunt, pari
studio et largitate exequi ac praestari studeat eaque celeritate quae expectanda
est ab ea charitate aliisque devotionis ac religionis compluribus testimoniis
quibus hoc visitationis officium recognoscere amplecti et excipere
visa est. Iconae et lapidae mensae altarium sublatorum huius ecclesiae quae
303