san carlo parte iniziale volume 5 valletrompia.qxd - Brixia Sacra

BRIXIA SACRA
per tres massarios a societate cum consensu curati electos, administrationum
rationes societati ipsi coram curato redduntur quotannis.
Ecclesia Sanctae Elisabeth loci Vestoni
Non constructa 4 , in ea Sanctissimum Sacramentum asservatur quia haec
ecclesia est magis commoda populo; ante Sacramentum lampas expensis
populi continuo lucet. Habet baptisterium indecens. Altaria duo, videlicet
altare maius et altare indotatum. Sacristiam, sed coemiterio caret, in ea est
capsula eleemosynarum quae pro reparatione ecclesiae colliguntur. Adest
legatum communi de Mareschalchis, qui reliquit quaedam bona stabilia
communitati Vestoni cum onere ut ex eorum redditibus missae et alia divina
officia celebrentur in hac ecclesia, et quod dicta bona vendi aut alienari
non possint, nec in eis aut in hoc legato aliquis ecclesiasticus possit se ingerere.
Redditus annui dictorum bonorum nunc sunt librarum centum vel
circa, qui quidem cum ab annis aliquibus citra non fuerint exacti ob negligentiam
communitatis cessatum [f. 691r] fuit a dicto onere missarum praestando,
praeter quod a duobus mensibus vel circa cum mercede annua
ducatorum 45 dicta communitas conduxit cappellanum intuitu executionis
dicti legati, qui quotidie in hac ecclesia celebrat.
Cappellanus nunc est presbyter Baptista de Calcariis annorum 27, qui
de ordinibus docuit, scientia tolerabilis in munere suo, bene audit, habitat
in domibus parochialibus. Vigent inter curatum et populum controversiae,
scilicet de stipendio campanarii, cereis qui in missa adhibentur, de supellectili
et indumentis sacris pro usu ecclesiae comparandis, de stipendio
missae in diebus festis et de aliis huiusmodi.
Oratorium Sanctorum Sebastiani et Rochi ex devotione populi nuper
extructum. Habet unicum altare sine redditibus in quo quandoque ex
devotione celebratur. Oratorium suprascriptum a parte anteriori est omnino
apertum, habet etiam coemiterium parvum muris septum in quo tamen
non sepelitur.
Mons pietatis, de cuius erectione non constat, habet sortem seu capitale
librarum 233 planetarum, regitur a massario qui a communitate dicti loci
cum interventu curati eligitur, gratis exercetur in aedibus praedicti massarii.
Super singulo pignore cum chirographo mutuo datur ad summam libra-
174