san carlo parte iniziale volume 5 valletrompia.qxd - Brixia Sacra

BRIXIA SACRA
reverendissimo ordinario exhibeant, qui diligenter videat an ad tempus an
in perpetuum et legitime facta sit, et prout de iure compererit, votum aut
commutationem legitimam ab eisdem inviolabiliter observari curabit.
Schola Beatae Virginis Mariae deinceps unita sit cum schola Sanctissimi
Sacramenti, attento etiam consensu utriusque scholae in visitatione praestito.
Schola Sanctissimi Sacramenti ac etiam schola Sanctorum Bernardini et
Francisci, quae cum non docuerint de legitima erectione, erectae sunt iam
nunc ab illustrissimo visitatore, servent regulas ad communem usum provinciae
Mediolanensis edendas et scholares singulo anno administrationis
rationem curato reddant. Praeterea scholares Sanctorum Bernardini et
Francisci eleemosynas nisi de licentia reverendissimi episcopi quaeritent.
Curatus huius ecclesiae, attento animarum numero 1200, perpetuo in
earum cura sacerdotem coadiutorem ab ordinario approbatum habeat, ad
cuius congruum stipendium pro tertia parte contribuat curatus et pro duabus
aliis partibus commune et homines ut solent. Curatus item clericum in
habitu sustineat qui missis et aliis officiis parochialibus inserviat. Missarum
ordo praescriptus a quarto provinciale concilio servetur, scilicet ut prima in
aurora singulo die celebretur, altera duabus horis post solis ortum [f. 845r]
diebus festivis, aliis vero diebus ea hora quae universo popolo iudicio episcopi
magis accomodata erit.
Presbyter Bartholomeus Iacobinus huius ecclesiae curatus a munere
exhigendi ficta, census aliosque redditus capituli cathedralis ecclesiae
brixiensis, quod ipsum a residentia et a cura animarum longe removet,
omnino abstineat sub poena scutorum quinquaginta; et quia absens per
menses aliquot animarum curam ad quam tenebatur non exercuit, termino
mensis sub poena dupli in manibus massarii schola Sanctissimi Sacramenti
aureos nummos viginti quinque pro executioni ordinationum huius visitationis
apostolicae expendendos cum effectu deponat praeter alia, quae eius
impensis praestari speciatim iussum est. Praeterea in visitatione infirmorum,
in instruendis pueris et aliis in doctrina christiana, in ministrandis
sacramentis et aliis officiis parochialibus praestandis se magis assiduum et
sollicitum praebeat.
Reverendissimus ordinarius processum iam coeptum per reverendum
vicarium Rovellium contra presbyterum Bartholomeum de Iacobinis curatum
Gardoni perficiat quamprimum, et prout iuris fuerit sententiam proferat.
Item presbyter Bartholomeus Iacobinus infra mensem examini casuum
10