san carlo parte iniziale volume 5 valletrompia.qxd - Brixia Sacra

VISITA AI MONASTERI
struatur fenestra pro sacra communione, ab altero vero rota pro exponendis
sacris indumentis, ambaeque ad praescriptum libri instructionum; hoc ipso
in muro nulla alia fenestra rimula sit, neque vero pro audiendis confessionibus.
Altaria hodie in ea existentia amoveantur omnino.
Ostium, qua e via publica in ecclesia nunc aditus est, muro obstruatur;
aperiaturque aliud in cubicolo cappellani. Quoniam monasterium hoc extra
muros, vicosque oppidi constitutum est, ac ab aliis aedibus prorsus disiunctum,
et ripae Benaci adeo propinquum, ut variis periculis et exulum, scelestorumque
hominum incursionibus expositium sit, iccirco moniales ipsae ab eo
loco omnimo transferendae sunt, atque ea de causa haec tantum de illo monasterio
sancire visum est. Quae si intra biennium intra oppidum translatae non
fuerint, tum per reverendissimum episcopum ad aliud monasterium civitatis
Brixiae transferantur, atque cum omnibus suis iuribus, oneribusque uniantur.
Oratorium, quod nunc extra ecclesiam constitutum conspicitur a fronte
caementario opere claudatur, aperiaturque ostium ecclesiam versus,
quod pro sacristia sacerdotum usui erit. Sepultura vero, quae hac ratione
remanebit in ecclesia interiori, sepeliendis defunctis monia- [f. 184v] libus
inserviet.
Pyxis reconcinnetur ad formam instructionum. Tabernaculum ligneum
intrinsecus panno serico exornetur. Rotae omnes ad formam instructionum
accomodentur. Fenestrae horrei, atriique loci dormitionis, et omnium
superiorum locorum repagulis muniantur. Ad fenestellam loco collocutionis
accommodentur clathri ferrei cum lamina ad formam instructionum.
Curetur item septo ferreo muniri foramen, unde aqua in viridarium derivare
conspicitur. Succidantur arbores parietibus clausurae haerentes. Eiiciatur
canis de septis monasterii, neque alius in posterum intus alatur. Locus
audiendis confessionibus addictus alibi extra ecclesiam constituatur. Latrina,
quae est in aedibus cappellani iuxta cappellam maiorem ecclesiae statim
diruatur, amoveaturque omnimo. Ianua vehiculares, praeter valvas, cancellis
item ligneis ad formam instructionum sepiatur.
Cappellanus ne a monialibus esculentas, poculentasve res, aut munus
qualecumque vel minimum quidem quovis praetextu accipiat neque vero
eo nomine rem ullam dono 2 capiat, quod ad ecclesiasticum usum pertinere
videatur, cuiusmodi sunt sacra indumenta, purificatoria, corporalia, et id
genus alia, sed neque suam supellectilem illis sarciendam, purgandamve,
aut aliqua ratione acu elaborandam tradat.
333