san carlo parte iniziale volume 5 valletrompia.qxd - Brixia Sacra

SALÒ
tione hac apostolica pro regimine huius ecclesiae archipresbyteralis praescriptay
[et quae etiam ad executionem onerum privatarum cappellarum et legatorum
spectant perpetuo serventur, etiam si praedicta ecclesia in collegiatam] [f.
959v] erigatur ac illius status condicio in aliquo mutetur. In divinis officiis
obeundis ea omnino observentur quae a concilio provinciali mediolanensi primo,
quarto et quinto statuta sunt ob idque ea in capitulo spirituali in singulas
hebdomadas habendo archipresbiter 12 et residentes alii saepius legant repetantque.
Quae etiam ibidem de ecclesiae ministris decreta sunt et praesertim
de praefecto chori, thesaurario, de magistro ceremoniarum et chori, de punctatoribus
item tradita sunt non modo ab ipsis ministris, verum etiam a toto
capitulo et cappellanis diligenter serventur.
Ut in posterum beneficiatis et cappellanis huius ecclesiae aliqua sit praescripta
ratio sedendi in choro et capitulo publiceque et collegialiter in processionibus,
funeribus et aliis incedendi post archipresbiterum primus sit
qui cappellaniam theologalem magistralemve, cum erecta fuerit, obtinebit,
cui alii titulares cappellani succedant et ex his priorem locum habeant qui
coadiutores curae sint, post titulares autem sequatur coadiutor curae ab
archipresbitero conductus, mox alii mercenarii sedeant atque praecedant
ita quod quisque in suo ordine sit.
In conveniendo in chorum ad divina officia ne pauciores sint quam sex
et processionaliter bini de sacristia procedant et ea servent quae a concilio
provinciali constituta sunt quomodo [f. 960r] ad divina officia conveniendum
quomodove versandum in choro et ab eodem recedendum ut in quinto
item de chori disciplina in primo, quarto et quinto potissimum de processionibus
et funeralibus. Qui chorum exierint divino officio non perfecto,
modo illius horae distributione careant, verum etiam alias poenas
subeant ratione culpae arbitrio praefecti chori. Id vero locum habeat etiam
ubi ex necessitate corporis abierit licentia a praefecto chori non praestita.
Missa capitularis diebus festivis saltem cum diacono et subdiacono paratis
celebretur et ideo qui ex ordine tabellae missarum eodem die primam missam
celebrant, diaconatus munus obeat, qui vero secundam subdiaconatus.
Ex cappellanis residentibus trium dierum termino hebdomadarius constituatur
qui singulis diebus ferialibus missa et vesperas cantet, cui octavo die
residens alius succedat idque in orbem fiat, qui a suo officio defuerit saltem
trium dierum distributionibus careat, applicandis residentiae dictae ecclesiae
vel aliter arbitrio reverendissimi ordinari.
305