san carlo parte iniziale volume 5 valletrompia.qxd - Brixia Sacra

BRIXIA SACRA
Reverendus ordinarius elapso mensis spatio, quod alio decreto assignatum
fuit admodum reverendo domino premicerio Sancti Marci Venetiarum
docendi legitime de praetensa unione canonicatus existentis in ecclesia
archipresbiterali et collegiata loci Urceorum Novorum contra ipsum iuxta
sacrorum canonum et concilii Tridentini constitutiones agat, eam vero
unionem si exhibuerit ad praescriptum eiusdem concilii Tridentini recognoscat
agatque ut in posterum oneribus missarum ac divinorum officiorum
celebrationi satisfiat ne ulterius ecclesia suis debitis obsequiis et
muneribus fraudetur, quod vero de praeterito ratione pretermissi muneris
debetur, id omnino constituto aliquo temporis spatio praestetur a praefato
domino premicerio et interim fructus omnes eiusdem canonicatus sequestro
ponantur.
Reverendus ordinarius intra sex dies vicarium foraneum constituat in
hac regione Urceorum Novorum alterum quam qui nunc archi- [f. 999r]
presbiter est, quem illustrissimus visitator eo officio indignum censuit.
Reverendus ordinarius vocatis vocandis videat quid vicis insit clericatu
Sancti Blasii Gerolae, qui praebendae theologali seu magistrali per illustrissimum
visitatorem consensu etiam reverendissimi episcopi instrumento
diei XI februarii anni 1581 unitus est, et ubi eiusmodi unio iure non sortiatur
effectum, videat quid iure debeatur Seminario ex decreto concilii quarti
provincialis de unione facienda 1 eidem Seminario idque praestet, si autem
unio theologalis locum habebit, curet officium prestari in futurum ob eo
qui praebendam illam auctam iis fructibus possidebit.
Reverendissimus ordinarius diligenter inquirat an Ioannes Maria Thana
cum *** in concubinatu vivat, ut in visitatione indictum fuit ac in eum poenis
et mulctis ex sacrorum canonum iure et concilii Tridentini sanctionibus
severe agat ut a concubinatu omnino abstineat 2 .
1
Corretto da faciendam.
2
Reverendissimus - abstineat aggiunto di seguito.
366