san carlo parte iniziale volume 5 valletrompia.qxd - Brixia Sacra

RIVIERA DEL GARDA
In oratorio Sancti Iacobi campestri
Altare ad formam reducatur; bradella lignea in gradus duos distinguatur.
Fenestella prope altare a parte epistolae claudatur. Tectum assidibus bene
compositis fulciatur. In frontispicio fenestrae fabricentur, unde tamen
introspici non possit ab audientibus missam. Tollatur altare quod est sub
porticu infra biduum. Nec in dicto oratorio celebretur donec suprascripta
omnia adimpleta fuerint.
In ecclesia Sancti Antonii de Saxo
Altaris maioris bradella ad formam construatur. Fenestella cappellae in
ecclesiam respondens, muro obturetur infra octo dies. In choro sedilia
magis decentia fiant et infra annum clathris ferreis cappella in ingressu
sepiatur. Altare Rosarii ita parieti haereat ut infra bradellam ante illud sit
spatium iuxta praescriptum instructionum generalium clerico inservienti
et ad formam sepiatur infra sex menses. Altare Sanctorum Rochi et Sebastiani
parieti haereat, ornetur et sepiatur [f. 861v] ad formam quae ad altare
Sanctissimi Rosarii ordinatum est. Praterea fenestra super altari muro
obturetur infra octo dies. Ostium campanilis muro obturetur, quia altari
suprascriptum impedit et aliud extra ecclesiam in caemiterio fabricetur.
Nicia in pariete meridionali, relicto tamen ostio, obturetur muro pro servandis
rebus scholae Rosarii. Labium aquae benedictae ad formam comparetur
infra mensem. Provideatur de corporalibus et eorum sacculis, de
purificatoriis et de vase pro eorum ablutione infra mensem. Clathri ferrea
sub ingressu caemiterii statuantur, et crux in eo erigatur.
Schola Sanctissimi Rosarii, quae de eius legitima erectione non docuit,
infra mensem erectionem obtineat, et regulam approbatam habeat, quam
observent scholares. Administrationum autem rationes quotannis vicario
foraneo reddant. Cum vicini ecclesiae huius sint numero 200, quibus difficile
ab archipresbytero Garagnani eorum curato sacramenta ministrantur,
quia a parochiali per milliare unum cum dimidio distant iterque difficile et
asperum sit, provideant de annuo stipendio congruo, computatis legatis
missarum eidem ecclesiae factis et assignatione annua decem ducatorum ex
redditibus archipresbyteratus Garagnani, ut haec ecclesia per illustrissimum
visitatorem [aut] per reverendissimum episcopum in parochialem
erigatur et interim sumptu [f. 862r] populi, computatis legatis ut supra,
provideatur de idoneo sacerdote, qui praevio examine approbatus sacra-
57