san carlo parte iniziale volume 5 valletrompia.qxd - Brixia Sacra

VALLE SABBIA
Vestone, San Lorenzo
[a. Acta visitationis, ff. 689v-691r
Brescia, XXXIII, ff. 40r-41v
U. VAGLIA, Storia della Valle Sabbia. Documenti, II, Brescia 1970 2 , pp. 140-143]
[b. Decreta particularia, ff. 910r-913r
Brescia, XXV, ff. 56r-58v; XXXV, ff. 228v-232v]
[a. CHIESA PARROCCHIALE DI SAN LORENZO DI VESTONE]
[f. 689v] Die suprascripto
Visitavit parochialem ecclesiam Sancti Laurentii loci Vestoni et deinceps
intra eius fines infrascriptas ecclesias, cappellas, oratoria [f. 690r] et pia
loca 1 , quae distat a praedicto loco Vestoni cubita 300 vel circa. Consecrata
creditur et in ea Sanctissimum Sacramentum non asservatur ob distantiam
a populo. Altaria sunt quatuor, videlicet altare maius, altare Sanctissimi
Sacramenti cum schola ut infra, et reliqua duo indotata. Sacristia adest 2 .
Coemiterium item 3 , sed non est clausum. Curam habet laicus quidam campanarum
pulsandarum et aperiendi ac claudendi ecclesiam. Domus parochialis
ab ecclesia cubita 200 vel circa distat. Redditus annui sunt librarum
400 planetarum vel circa.
Titularis est presbyter Ioannes de Bonis, annorum 58, de titulo et de
ordinibus docuit. Scientia tolerabilis in munere parochi quo fungitur.
Negligens circa munditiam supellectilium Sanctissimi Sacramenti, in reliquis
bene audit, praeter quod gravatus aere alieno ob impensas quas ultra
eius aeres conficit. Clericum habet, et in suprascriptis aedibus parochialibus
habitat. Animae 926, quae sacram communionem sumunt 500 vel circa,
quibus cum ad sacramenta ministranda vix unus parochus sufficiat.
Praedictus curatus ex redditibus predicti beneficii parochialis assignavit in
visitatione ducatos decem quotannis ut, cum stipendio infrascriptae cappellaniae
Mareschalchi, alius sacerdos et adiutor in cura animarum sustineatur.
Deliquitur in hoc loco in violatione festorum.
Schola Doctrinae christianae nulla fere exercetur. [f. 690v] Schola Sanctissimi
Sacramenti. Non erecta, regulis et redditibus caret, eleemosynae
annuatim ascendunt ad summam librarum 50, ex quibus cerei et alia ornamenta
circa Sanctissimum Sacramentum opportuna comparantur, regitur
173