san carlo parte iniziale volume 5 valletrompia.qxd - Brixia Sacra

VALLE SABBIA
docuit, debilis scientia in munere coadiuvandi curae animarum. Bene audit,
habitat in dictis aedibus parochialibus cum rectore.
Die suprascripto
Visitavit ecclesiam Sancti Michaelis Hidri, in qua ab hinc annis quinque
munia parochialia exercentur, cum magis commoda sit populo. Consecratam,
amplam et ornatam, et in ea Sanctissimum Sacramentum, ante quod
collucet lampas partim expensis populi et partim ex legatis per rectorem assignatis.
Baptisterium non ad formam et loco incongruo. Altaria tria, videlicet
altare maius, altare Sanctissimi Sacramenti cum schola et altare Beatae Virginis
Mariae cum schola ut infra. Coemiterium septum parietibus. Sacristiam.
Domum satis amplam a populo in fundo ecclesiae parochialis constructam
prope dictam ecclesiam, cuius inferiora loca sunt ad usum publicum populi,
superiora vero rectori et eius coadiutori in cura animarum assignata fuerunt,
sed nondum perfecta sunt. Fabricae ecclesiae suprascriptae ac eius ornamentis
ex collectis et contributionibus incumbit populus.
Schola Sanctissimi Sacramenti. Non erecta. Regulas et redditus non
habet sed eleemosynarum partim pauperibus erogantur, partim in cereos
expenduntur 2 . Regitur per massarium et alios officiales, qui ab hinc annis
compluribus non sunt mutati, administrationum rationes rectori redduntur,
non tamen ordine describuntur. [f. 687r] Schola Sanctissimi Rosarii.
Non erecta. Regulas neque redditus aliquos habent, eleemosynarum curam
habet massarius, ex quibus partim altare ornatur, partim pauperibus distribuuntur,
et administrationum rationes singulis annis rectori dantur.
Oratorium Sancti Rochi loci Cronarum
Habet unicum altare sine redditibus in quo quandoque ex devotione vicinorum
celebratur.
Oratorium Sancti Sebastiani loci Lemprati, ruinosum cum unico altare
sine redditibus, habet coemiterium septum parietibus, in quo vicini quandoque
sepeliuntur.
Die suprascripto
Visitavit ecclesiam Sancti Petri loci Amphi, membrum parochialis ecclesiae
Sanctae Mariae Hidri. Consecratam et in ea Sanctissimum Sacramentum,
155