san carlo parte iniziale volume 5 valletrompia.qxd - Brixia Sacra

VALLE SABBIA
[f. 917r] In ecclesia Sancti Bartholomei loci Avenoni
Ab hac ecclesia baptisterium tollatur infra octo dies, infantesque huius loci
in parochiali ecclesia Levemi baptismum sumant, nisi forte infra supradictum
tempus vicini de stipendio congruo providerint ut haec ecclesia in parochialem
erigatur per reverendissimum ordinarium vel aliter statutum fuerit.
Altare maius ad formam reducatur et armariolum, quod est a tergo
ipsius altaris, obturetur infra octo dies. Cappella clathris ferreis claudatur
in ingressu infra quattuor menses. Crucifixus sub arcu cappellae maioris
collocetur. Fiant sedilia in choro infra mensem. Altare Beatae Virginis
Mariae ad formam reducatur cum bradella et claudatur infra duos menses.
Coemiterium claudatur a parte septentrionali. Crux in eo erigatur infra
quindecim dies. In sacristia fiant oratorium et lavatorium. Fenestra clathris
ferreis et vitrea muniatur infra tres menses.
Schola Sanctissimi Sacramenti, quae cum non docuerit de eius legitima
erectione, erecta est nunc ab illustrissimo visitatore, servet regulas ad usum
communem provinciae Mediolanensis edendas. Scholares librum habeant,
in quo eleemosynae, redditus et impensae scholae describantur et curato
administrationum rationes singulo anno reddant.
Oratorium Sancti Rochi campestre
Altare infra tres dies tollatur nec pateat oratorium ipsum.
[f. 917v] In ecclesia Sancti Antonii de Prato
Altare maius ad formam reducatur. Iconam decentem habeat. Bradellae
supponantur duo gradus lapidei ad formam. Pingatur cappella et muniatur
fenestra vitreis. Claudatur sub arcu crucifixi clathris ferreis, infra annum.
Altare Beatae Virginis Mariae ad formam reducatur et integumentum
decens habeat. Fornix cappellae pingatur infra sex menses expensis scholae.
Coemiterium sepiatur et in eo crux erigatur. Super ostium maius ecclesiae
pingatur imago Sancti Petri infra tres menses. In sacristia fiant oratorium
et lavatorium et armarium. Provideatur de paramento rubeo et de alio
viride ac pallio albo. De purificatoriis et corporalibus et eorum sacculis
infra mensem. Fiat confessionale ad formam. Vas olei lampadis in sacristiam
transferatur. Domus sacerdotalis perficiatur intra annum.
Schola Beatae Virginis Mariae, quae cum non docuerit de eius legitima
erectione, erecta est iam nunc ab illustrissimo visitatore, servet regulas ad
193