san carlo parte iniziale volume 5 valletrompia.qxd - Brixia Sacra

BRIXIA SACRA
contractis, absque matrimonii celebratione, sponsi ad eorum domus sponsas
traducunt, seu libere in ipsarum aedibus simul affectu maritali cohabitant,
ac ut uxores et viri versentur, unde frequentius accidit, quod recedentes
a promissis, quae aliquando prestari non possunt, matrimonia inire
recusent, et cum maximo scandalo virgines ipsae corruptae et delusae
remaneant. Schola Doctrinae christianae nulla exercetur.
Schola Sanctissimi Sacramenti coepta, sed non erecta. Habet regulas,
sed non comprobatas, caret redditibus; eius eleemosynae annuae esse poterunt
librarum 30, [f. 707v] ex quibus cerei et ornatum altaris comparantur;
ex illis etiam missae celebrantur. Deputati sunt massarius et sindici, qui
singulis annis eliguntur a societate, et administrationum rationes curato
referuntur, quibus visis in visitatione subscriptum est.
Oratorium Santae Mariae loci Luselloni 1 , in Monte
Habet unicum altare cum redditibus annuis librarum 20 vel circa; ex quibus
incolae Benzaghi, qui viam eiusdem oratorii habent, in eo celebrari faciunt.
Oratorium Santi Rochi loci Mezenaghi, parvum, et a parte anteriori apertum.
Habet unicum altare sine redditibus.
1
Corretto su Muselloni, da intendersi come S. Maria del Visello.
[b.] [f. 938r] In ecclesia parochiali Sancti Petri loci Praeseliae
Operculum pyxidis deargentetur. Pyxis alia maior pro populi communione
comparetur. Tabernaculum pro processionibus a pyxide omnino distinguatur
et cum lunula ad formam reducatur infra mensem. Tabernaculum ligneum
introvestiatur et omnino separetur ab icona, protrahaturque ad frontem altaris,
ita ut commode sine scabello Sanctissimum Sacramentum extrahi possit,
infra duos menses. Reliquiae parvae in vase vitreo positae, collocentur in fenestella
a parte evangelii, in qua alias asservabatur Sanctissimum Sacramentum,
ornetur et claudatur iuxta formam instructionum generalium. A parte epistolae
fenestella alia ornetur et claudatur et in ea oleum infirmorum asservetur
infra octo dies. Aliud vas baptisterii tertiae formae comparetur in quo locus
246