san carlo parte iniziale volume 5 valletrompia.qxd - Brixia Sacra

DECRETI AGGIUNTI
sacro tanti episcopi corpore Brixiam transferendo, ubi debitus illi cultus ac
veneratio tribuatur.
Presbyteri Iovita Cropellus et Franciscus Morottus coadiutores propria
altaria omni supellectile ad missam in eis decore pro ratione temporis celebrandam
necessaria, hac una tantum vice instituant ex decreti iam editi
praescripti ut ipsimet promiserunt facere neque vero propterea aliquod ius
archipresbitero eiusve successoribus acquisitum vel coadiutoribus ipsis
detractum esse censeatur quo ad eadem altaria in posterum instituenda.
Idem presbyter Iovita missam in altari proprio aut in maiori quotidie celebret,
cum primum autem sublatum erit subterraneum sacellum, tunc in
altari Sancti Christophori munus suum exequatur, quod si in alio altari sine
concessu episcopi celebrarit, muneri suo se non satisfecisse sciat quemadmodum
provinciali quarto concilio statutum est.
Presbyter Franciscus Morottus cappellanus coadiutor, cui onus audiendi
confessiones et cetera parochialia exercendi impositum est, nisi mensis
spatio examen subierit, scriptamque facultatem 1 [f. 1005r] gerendae curationis
animarum a reverendissimo episcopo obtinuerit, ab eo munere abstineat
poena suspensionis a divinis illi proposita. Quamdiu autem ob inscitiam
partes suas explere non poterit, alium idoneum sacerdotem qui eius
vices suppleat sumptu suo sustinere compellatur, poena quinquaginta
aureorum numorum fabricae ecclesiae iam nunc addictorum proposita.
Intra quindecim dies suas aedes canonicales prope ecclesiam habitet ibique
cibum et somnum capiat, qui si non paruerit viginti quinque aureorum
nummorum poenam subeat, qui iam nunc scholae Rosarii addicuntur. Missas
quotidie in altari cui addictus est ad provincialis concilii quarti praescriptum
omnino celebret. Presbyter Aurelius Griffonus ex Tridentini et
provincialis concilii decreto singulis diebus dominicis ac reliquis festis nisi
iusta de causa impediatur sacrificium missae peragere nulla ratione omittat.
Presbyter Franciscus Fabettus cappellanus mercenarius, qui suscepit
munus celebrandi in altaribus Corporis Domini, Sancti Antonii et Sancti
Ioannis evangelistae cui altari quotidiana missa addicta est, cum nulla ratione
satisfacere possit, missas ad minorem numerum ob cappellaniae tenuitatem
per reverendum episcopum reducendas curet praetermissoque
muneri quamprimum satisfaciat. Mapheus de Perinis accolithus, mensis
spatio schedulas ordinum suorum in visitatione non ostensas reverendissimo
episcopo exhibeat, alioquin ab eorum exercitio suspenditur. Dominus
375