san carlo parte iniziale volume 5 valletrompia.qxd - Brixia Sacra

SALÒ
Item aliud legatum Thomae de Pedrinis instituentis heredem praedictam
comunitatem cum onere impendendi redditus annuos nonnullorum
bonorum in celebratione tot missarum in dicta ecclesia. Redditus nunc
sunt librarum 16. Item aliud legatum ducatorum 50 pro una vice tantum a
Marollo Zacherio conditum [f. 727r] ex quibus ad praescriptum eiusdem
legati fundus emptus est cuius redditus annui nunc sunt librarum 16
et in celebrationem tot missarum impenduntur 11 .
Item aliud legatum Bonae Collossae soldorum 50 planetarum in anno pro
celebratione tot missarum, qui quidem redditus omnes cappellano Sancti
Bartholomei, qui bis vel ter in hebdomada et diebus festivis alternatim in hac
ecclesia celebrat, dantur 12 . Adest circa dictam ecclesiam coemiterium septum.
Fabricae ornamentorum huius ecclesiae curam habet populus. Vicini
huius ecclesiae sunt numero 130, qui a parochiali distant milliaribus duobus.
Schola Sanctissimi Sacramenti non erecta. Habet regulas, sed non comprobatas.
Nullos redditus habet, sed eleemosynas, quae in anno esse poterunt
librarum 20 planetarum, quae in cereos et ornatum altaris impenduntur.
Regitur a massariis qui singulis annis mutantur, et administrationum
rationes societati referunt, quibus visis in visitatione subscriptum est.
Ecclesia Sancti Bartholomei in monte Scipio. Salodium
Habet unicum altare cum schola Sanctissimi Sacramenti ut infra, in quo bis
in hebdomada et diebus festivis alternatim celebratur. Adest sacristia et
coemiterium, in cuius capite est cappella cum altari sine redditibus. Domus
sacerdotalis ecclesiae annexa. Redditus annui sunt ducatorum 30, qui quidem
percipiuntur a cappellano movibili ad libitum archipresbyteri Salodii,
qui ter in hebdomada et diebus festis [f. 727v] alternatim celebrat ac sacramenta
parochialia etiam poenitentiae ministrat. Cappellanus nunc est presbyter
Hercules de Guidottis de Gavardo annorum 45, qui de ordinibus
docuit, de licentia autem sacramenta ministrandi 13 fidem fecit vicarius foraneus
oretenus iam habuisse a reverendissimo episcopo. Scientia inhabilis in
munere parochi. Bonae vitae ut dicitur et in suprascriptis aedibus sacerdotalibus
habitat. Vicini sunt numero 120, a parochiali distant spatium trium
milliarium vel circa. Populus suprascripti loci Sancti Bartholomei emisit
votum iam ab annis compluribus colendi uti diem festum singulam vigesimam
quintam diem cuiuslibet mensis eademque die processiones generales
obire, quod quidem non observant.
291