san carlo parte iniziale volume 5 valletrompia.qxd - Brixia Sacra

BRIXIA SACRA
bonorum stabilium ex quibus percipitur annuus redditus librarum 4. Qui
quidem omnes redditus suprascriptorum legatorum percipiuntur ab hominibus
dicti loci Tribioli, et eos in celebrationem missarum impendunt.
Dicitur etiam adesse onus super bonis illorum de Pasiis de Ruco dandi
medios fructus cuiusdam petiae terrae pro celebratione missarum.
Haec ecclesia sub titulo rectoriae per ordinarium collata fuit presbytero
Baptista Paxio, sed nullos redditus percepit, qui etiam est capellanus amovibilis
in parochiali Saladii 1 annorum circiter 38. De ordinibus et facultate
audiendi [f. 677r] confessiones legitime docuit, scientia aptus ad curam
animarum. Bene audit, habitat in domo paterna. Praedictae ecclesiae
instaurationi incumbunt quidam deputati a populo Tribioli, qui legata exigunt
et impendunt. Adest etiam quoddam legatum, a Cornelio Pasio conditum,
distribuendi panes et vinum singulo anno pauperibus, ut dicitur, villarum
Agneti et Tribioli, sed tam divitibus quam pauperibus distribuuntur.
Ecclesia Ascensionis Domini loci Volciani
Non consecrata. Habet tria altaria cum schola ut infra, sacristiam et parvum
coemiterium. In hac ecclesia est capellania cum onere, ut dicitur, missae
unius in hebdomada. Redditus annuus est librarum 25 planetarum.
Titularis est presbyter Antonius Martinonus, qui etiam est parochus
suprascriptae ecclesiae Sancti Petri Liani, sub qua eius status descriptus est.
Oneri per se ipsum satisfacit. Adsunt in ea infrascripta legata: legatum
Iohannis Volciani missae singulis diebus festivis cum annua mercede librarum
30 planetarum solvendarum per heredes suos, sacerdoti qui etiam pueros
loci Volciani in doctrina christiana erudiat; legatum Antonii Gonelli
librarum 10 et solidorum 18 planetarum pro celebratione missarum; legatum
Ioannis Marverii aggravans heredes ad celebrationem missae unius
unaquaque hebdomada pro quo onere data fuere bona quaedam, ex quibus
percipiuntur [f. 677v] librae 15 in anno; aliud legatum Christophori Volciani
petiae terrae cum onere missae unius singula hebdomada. Verum
bona per heredes vendita fuerunt, depositis libris centum apud homines et
commune Volciani, ex quibus percipiuntur librae quinque in anno. Oneribus
suprascriptorum legatorum a mensibus duobus non satisfit integre.
Vicini predicti loci, ut constat obligationis instrumento, promiserunt in
visitatione quod computatis libris 20 ratione predicti clericatus et redditibus
predictorum legatorum sacerdoti qui quotidie celebret et pueros institutio-
106