san carlo parte iniziale volume 5 valletrompia.qxd - Brixia Sacra

SALÒ
clericorum in ipsa cappella ligneo septo distinguatur a reliquis sedilibus,
quae intra octo dies ab utraque parte relinquentur [f. 961v] sunt sedilibus
in quibus interim laici sedere poterunt nec vero ecclesiastici sine superpelliceo
in chorum admittantur.
Cappellani Sancti Stephani, Sancti Georgii et alii, quibus onus coadiuvandi
archipresbitero animarum imminet, noverint se quoque ipsi residentiae
lege teneri, in quo si defuerint pro ratione absentiae ad praescriptum
concilii Tridentini et provincialium fructibus mulctentur fabricae ecclesiae
applicandis, quod si etiam ex causa aliquando et brevi tempore abesse contingerit,
abeundi facultatem scriptam absentiae probationem facultatemve
impetrent a reverendissimo episcopo, aut ab eo cui ille demandarit sub
poenis eodem Tridentino concilio praescriptis si contravenerint. Reliqui
vero huius ecclesiae cappellani de opportuna facultate abeundi cum praefecto
ecclesiae agant, si vero ultra octo dies abesse voluerint cum episcopo,
qui animadvertat ne ob absentiam cappellanorum ecclesia debito servitio
ex ordine missarum et officiorum careat.
Tabella conficiatur de die hora ordineve et altari cuiuslibet celebrantis
ad cuius constitutum ordinem singulo die primum in aurora tum una post
aliam celebrentur [f. 962r] et diebus ferialibus quarta, prout in constitutionibus
eiusdem ecclesiae statutum est, cantetur. Festivis vero diebus ea cantetur
quae populo frequentiori commodior erit, inter quam concio sermone
parochialis habeatur. Ne autem praescriptus ordo missarum aliquo
modo turbetur qui iusto impedimento detenti fuerint sub poena dupli
illius stipendii quod celebrando consequitur, ita opportune de eius impedimento
certiorem faciat praefectum ecclesiae sacristamve, eo absente, ut
reliquas missas ita aliquo intervallo distribuere possit aliave ratione providere
ut postrema consueta hora celebretur. Qui praescriptum tabellae non
servarit, duplo ut supra mulctetur. Qui cum in hac ecclesia celebrare
debeat, ea relicta alibi celebrarit, si quando ex urgente causa quod tamen
raro admodum concedi debet, iussu vel consensu vicarii foranei id fecerit,
tantum amittat quantum stipendii dandum esset alteri qui eius loco celebret,
si vero sine consensu vicarii id fecerit, duplum cogatur solvere eius
stipendii vel eleemosinae quam alibi celebrans consecutus est. Haec vero
poena crescente culpa vel contumacia augeri etiam possit ab eodem vicario.
Sit liber missarum, cui subscribat se quotidie tum qui celebrevit [f.
962v] tum sacrista aliusve ad praescriptum decretorum concilii provincia-
307