san carlo parte iniziale volume 5 valletrompia.qxd - Brixia Sacra

SALÒ
praeter poenas ab ipso populo constitutas vicarius foraneus ad prescriptum
canonum severe procedat.
In ecclesia Sanctorum Nazarii et Celsi loci Renzani
Bradella ad formam reducatur. Feretrum ac omnia impedimenta a tergo
altaris tollantur. Fenestris sperae saltem ex tela cerata adhibeantur. Capella
in ingressu clatris ferreis claudatur ad formam. Altare Sancti Laurentii tollatur
et eius onera et emolumenta iam nunc ad altare maius transferuntur.
Confessionale ad formam reducatur et congruo et aperto ecclesiae loco
collocetur et fenestrae vitreis muniantur. Septum caemiterii reparetur et
crux in eo erigatur. Bursa serica olei infirmorum fiat et in fenestella a parte
evangelii iuxta instructiones generales constituenda reponatur et haec
omnia intra quatuor menses praestentur. Vicini huius oratorii, qui sunt
numero 140 et per miliare a parochiali distant, perseverent in contribuendo
[f. 977v] sufficiens stipendium sacerdoti qui missas celebret, institutionem
christianam doceat, praevio examine ab episcopo approbatus sacramentum
etiam paenitentiae ministret.
In ecclesia Sanctii Antonii de Cacaberio
Tabernaculum ligneum panno serico introvestiatur. Ostiolum tabernaculi ut
pixis commode extrahi possit aptetur. Operculum pixidis deargentetur et
reconcinnetur ut aperiri et claudi possit. Scatula olei infirmorum in bursa serica
asservetur et in fenestella a parte evangelii in capella maiori iuxta instructiones
generales construenda collocetur. Altaris maioris bradella ad formam
reficiatur intra duos menses. Cappella a parte anteriori clathris ferreis claudatur
intra sex menses 55 . Valvae campanilis magis decentes fiant. Nisi sepulturae
vicinae nimis altaribus Sanctae Mariae et [Sancti Ioannis] intra mensem humo
impleantur et pavimentum ibidem adaequetur ut amplius usui etiam non possint
56 [f. 978r] altaria termino 57 suprascripto 58 tollantur et interim in eis ne
celebretur quod si sepulturae dicto termino sublatae non erunt.
Altare Beatae Mariae a parte anteriori ad formam claudatur. Paries ab
utraque parte iconae decenter pingatur. Vas olei lampadis quod est prope
altare tollatur. Altare Sancti Ioannis cancellis ligneis sepiatur ad formam.
Bradella deprimatur ita ut conveniens altitudo altari remaneat et haec omnia
intra duos menses prestentur. Altare Sanctissimi Sacramenti tollatur infra
unum diem et eius onera et emolumenta, si quae sunt, iam nunc ad altare
325