san carlo parte iniziale volume 5 valletrompia.qxd - Brixia Sacra

DECRETI AGGIUNTI
IV. VALLE CAMONICA
LOVERE (BG), SAN GIORGIO
[Decreta particularia, II, ff. 1024r-v
Brescia, XXIV, q. 17, ff. 210r-v]
[Visita apostolica, IV, pp. 3-21]
[f. 1024r] In ecclesia parochiali Sancti Georgii loci Lueri
Qui ab universitate huius loci singulis annis ad regimen scholae Corporis
Christi eligentur, eorun electioni parochum interesse non erit necessarium,
sed ii qui electi erunt reddituum eleemosynarum aliarumve rerum ad
eandem scholam pertinentium curam administrationemve ne exerceant
antequam ab eodem parocho comprobati sint, alioquin irritum et inane
quicquid gesserint, declaratur. Parochus etiam occasione alterius ex clavibus
capsae eleaemosynarum, quam servat, nihil penitus emolumenti pro
eadem aperienda percipiat sub poena suspensionis, si vero alio nomine ex
ipsis eleemosynis aliquid ad se pertinere existimet, iura sua coram reverendissimo
ordinario deducat.
Conceditur facultas 1 ut sublato altari ex cappella Sanctae Catherinae
baptisterium cum sacrario in eam transferatur et ad formam instructionum
generalium ibidem reducatur; sacristia vero scholae usui esse possit ad
ceram eiusdem scholae asservandam et sacra indumenta omnino ad praescriptum
decretorum visitationis asserventur in sacristia ecclesiae communi
in vestiario, tamen separato et clave scholae munito. [f. 1024v] Quod
aliis decretis visitationis de duobus deputatis oratorii Sancti nuncupati sancitum
est rationes administrationis reddi, id locum habeat etiam de ceteris,
quicumque ullo tempore hactenus eorundem reddituum eleemosynarumve
curam gesserunt, qui vero aliquid debere comperientur nisi spatio unius
mensis satisfecerint, compellat eos ad id reverendissimus ordinarius, poenis
arbitrio suo etiam interdicti ingressu ecclesiae, quicquid vero ab eis exigatur
in exequendis decretis visitationis impendatur. Repagulum quod est
faciendum super porticu per quam aditus patet ad scholam Disciplinatorum
si ferreum fieri non potest saltem fiat ligneum decens.
401