san carlo parte iniziale volume 5 valletrompia.qxd - Brixia Sacra

RIVIERA DEL GARDA
lam ante altare sit spacium conveniens. Altare Sancti Antonii infra tres dies
tollatur et eius onera et emolumenta ad altare Sancti Spiritus iam nunc
transferuntur. Altare Sancti Spiritus prope parietem qui a tergo est, transferatur
ita ut congruum spatium remaneat, a parte anteriori et inferiori
gradu lapideo clathris ferreis claudatur et bradella ad formam reducatur.
Fenestra a parte evangelii vitreis muniatur. Altaris Beatae Mariae Virginis
gradus lapideus prout ad altare Sanctissimi Sacramenti construatur, clathris
ferreis expensis scholarium claudatur et integumentum infra sex menses
dilatetur. Extrinsecus super ostium ecclesiae imago Beatae Virginis Mariae
vel Sancti Nicolai pingatur. Claudatur coemiterium a parte anteriori, nec
noctu pateat ossorumque locus et operiatur.
[f. 844r] In sacristia fiat oratorium et lavatorium. De paramento albo
completo provideatur.
In oratorio Sanctorum Bernardini et Francisci
Altare lapideum infra mensem fiat, nec ante in eo celebretur. De purificatoriis
et corporalibus et eorum sacculis, de pelvicula etiam pro urceolis provideatur.
In oratorio Sancti Rochi
Altare lapideum fiat ad formam, a parte anteriori sepiatur. Provideatur de
paramentis et aliis necessariis reverendissimi episcopi iudicio. Oratorium a
parte anteriori muro claudatur. Ostium et fenestrae in eadem parte
exstruantur nec ante celebretur in eo quam suprascripta adimpleta fuerint.
Summarie agatur et etiam ex officio procedat ordinarius contra non solventes
legata pia curatae ecclesiae altaribus, scholis et pauperibus et cum
eisdem qui in cedula casuum reservatorum reverendissimo episcopo
Brixiensi tradita sunt, confessarii quam diligenter observent. Reverendissimus
ordinarius informationes quam diligenter assumat an ex legato priore
instituto aut consuetudine immemorabili aliave ratione in domo, quam
nunc quadra Gardoni pistori locat, exercebatur hospitalitas ad eamque
restituendam cum redditibus perceptis dictam quadram compellat [f.
844v] prout iuris fuerit summarie. Commune Gardoni, Fasani et Morgnaghae
commutationem voti publici dies festos aliquot sanctorum observandi
a reverendissimo Bollano, ut asserunt, factam cum onere conducendi
communibus expensis etiam sub poena excommunicationis concionatorem,
qui in quadragessima praedicationis munus obeat, termino mensis
9