san carlo parte iniziale volume 5 valletrompia.qxd - Brixia Sacra

DECRETI AGGIUNTI
fabrica necessaria, quam asserunt a reverendissimo Bollano obtinuisse illas
una cum fructibus tribus ab hinc annis perceptis eidem oratorio restituant
ut in necessariam supellectilem pro missarum celebratione et alias ut reverendissimo
episcopo videbitur 2 , insumatur.
Pro schola Disciplinatorum
Disciplinatorum administratores domum quam domino Augustino de
Durantibus permutationis nomine oretenus et sine legitima facultate tradiderunt
intra mensem omnino recipiant, poena interdicti proposita, si vero
eam permutare vel etiam alienare deinceps voluerint, id non sine episcopali
facultate scripta et iis servatis [f. 1017v] quae a sacris canonibus et constitutionibus
summorum pontificum praescripta sunt, fieri liceat.
Pro Montibus pietatis
Ut proventus Montium pietatis loci Pallatioli, quorum alter in regione
Murae, alter vero in regione Rippae constituti sunt, in eum tantummodo
usum cui addicti sunt et non in alium convertantur, decernitur ut deinceps
in vere pauperes tantum distribuantur et ea de causa viri aliqui spectatae
integritatis deligantur, qui una cum archipresbytero uniuscuisque indigentiam
diligenter inquirant explorentque. Nulla autem ratione in lites, ullo
quovis nomine praetextuve persequendas nisi quae de iure ad eundem
pium locum pertineant; qui secus fecerit ipso facto ea administratione privatus
sit tum duplum loco ipsi pio restituere teneatur aliamque poenam
subeat reverendissimi ordinarii arbitratu. Presbyter Gualdinus de Comitibus,
qui titulum sui praetensi beneficii cappellaeve in visitatione non
ostendit, nisi quindecim dierum spatio illum reverendissimo episcopo
exhibuerit, contra eum ad sacrorum canonum praescriptum iure agatur.
In oratorio Sanctae Mariae de media campania sub parochiali
ecclesia Pallatioli
Caveat diligenter vicarius foraneus ne contra sacrorum constitutionum
praescriptum prophanae res ac a sacris locis alienae in hoc [f. 1018r] oratorio
a colonis aut ab aliis collocentur serventurve, si qui autem contrafecerint
interdicti poena et rerum ibi repositarum amissione mulctentur, quae
iam nunc oratorio ipsi addicuntur. Ut decreta ad hoc oratorium spectantia
quamprimum in executionis usum inducantur, curet vicarius foraneus ut
393