san carlo parte iniziale volume 5 valletrompia.qxd - Brixia Sacra

VALLE SABBIA
altaria construenda erunt, inter pilastratas arcuum ecclesiae fabricentur
cappellae, quae extra parietem promineant cubitis quinque cum dimidio, et
in eis altaria extruantur, ornentur et claudantur, provideatque de necessariis
ad praescriptum instructionum.
A parte meridionali fiant fenestrae et fenestra super porta maiori augeatur.
Obturentur foramina in parte meridionali, prope ostium sacristiae
infra 8 dies. Duo confessionalia ad formam in aperto et congruo loco ecclesiae
collocentur infra mensem. Haec ecclesia cum angusta et incapax sit
populi ad formam a reverendissimo episcopo probandam augeatur, et tunc
a sinistra ad introitum portae maioris, cappella extra parietem construatur,
quae cubitis quinque cum dimidio promineat, ornetur et claudatur ad formam
et in ea baptisterium collocetur. Coemiterii septum reparetur et a
sterpibus mundetur et in eo 2 erigatur crux infra octo dies. Ab ingressu coemiterii
ponatur cratis ferrea. In sacristia fiat oratorium et provideatur de
paramento albo et planeta violacea infra duos menses. De vase item pro
lavandis corporalibus et purificatoriis, praeterea omnia ad usum huius
ecclesiae et sacristiae comparentur quam primum poterit quae de suppellectili
ecclesiae parochialis in instructionibus commonstrata sunt. Ostium
sacristiae altius extruatur, ut commodius in ea sit ingressus.
Clericus in habitu, qui missis et aliis parochialibus officiis inserviat, a
curato sustineatur cum ea contributione quam a populo habere poterit. [f.
919r] Summarie agatur per ordinarium, qui etiam ex officio procedat, contra
haeredes Faustini et Maffei de Mineniis, ut fructus quicumque petiae terrae
per eosdem altari Sancti Laurentii relictae vere et realiter, etiam quatenus
expediat cum interventu curati, impendantur in ornamenta et missas in dicto
altare Sancti Laurentii et in eleemosynas ad mentem legantium. Provideat
etiam per inventarium bonorum, vel etiam alio meliori modo ne per divisionem
dictae petiae terrae inter haeredes et descendentes dictum legatum
deperdatur aut defraudetur. Legatum aureorum quindecim huic ecclesiae
factum per Faustinum de Mineniis impendatur in fabricam ecclesiae.
Schola Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore, servet regulas ad
usum provinciae Mediolani editas. Scholares Sanctissimi Sacramenti administrationum
rationes singulo anno curato referant. In erudiendis pueris et
aliis in doctrina christiana curatus, adhibitis secum aliis operariis, sollicitus
sit diebus festis praesertim.
197