san carlo parte iniziale volume 5 valletrompia.qxd - Brixia Sacra

BRIXIA SACRA
nae abusum et scholae dispendium, ad aliquod superstitionis periculum se
vergat, omnino tollatur.
[f. 933r] Curatus prout exhibuit ex fructibus sui parochialis beneficii
singulo anno libras viginti monetae brixiensis contribuat sumptibus, qui
fieri contingent pro executione ordinationum huius visitationis apostolicae
in suprascripta parochiali ecclesia, quibus perfectis, a dicta praestatione
liber censeatur. Idem curatus quotannis ab anno 1581 usque ad annum
1592 libras quinque et ab anno 1592 usque in perpetuum libris 10 contribuat
stipendio cappellani curati ecclesiae Sanctae Mariae loci Benzaghi,
quemadmodum dictus curatus se et successores obligationis instrumento
praestare promisit.
In oratorio Sancti Georgii campestre
Altare ad formam reducatur et bradella fiat. Claudatur a parte anteriori.
Provideatur de pallio, cruce, candelabris et de aliis praeterea necessariis
iudicio vicarii foranei, nec ante in eo celebretur, sed claudatur.
In oratorio Sanctae Mariae in Capello
Claudatur nec celebretur in eo, vel tollatur et eius lapides, ligna et alia
fabricae parochialis ecclesiae applicentur.
In oratorio Sanctae Catharinae in Villa
Claudatur nec in eo celebretur nisi ante de pallio, cruce, candelabris, bradella,
septo ad formam provideatur, praeterea soffitetur et vitreae fenestris
adhibeantur et de aliis item necessariis provideatur iudicio vicarii foranei.
In oratorio Disciplinatorum
[f. 933v] Schola haec, quae cum non docuerit de eius legitima erectione,
erecta est iam nunc ab illustrissimo visitatore, servet regulas ad usum provinciae
Mediolanensis editas. Scholares singulo anno administrationum
rationes curato reddant. Fiat altare ad formam cum bradella. Claudatur et
ornetur nec in eo ante celebretur donec icona, cruce, candelabris, mappis,
palliis et de aliis indumentis necessariis provisum sit iudicio vicarii foranei.
Pro sepulturis nihil omnino accipiant scholares. Ne fiant comessationes in
die feriae quintae hebdomadae sanctae aliisve diebus. Eleemosynas ne
quaeritent nisi facultate ab ordinario scriptis impetrata. Mulieres nocte
secum ad orationes non admittant.
234