san carlo parte iniziale volume 5 valletrompia.qxd - Brixia Sacra

RIVIERA DEL GARDA
quinque altaria indotata. Sacristia. Coemeterium clausum parietibus.
Monasterium satis congruum annexum ecclesiae in quo habitant de familia
13 fratres, videlicet sacerdotes sex, et ex his tres sunt confessarii, clerici
tres et conversi quatuor. Habet redditum annuum librarum 200 planetarum
vel circa. Aliqui ex dictis fratribus non bene audiunt. Confectus est
processus contra eos, prout in libro processuum.
Schola Conceptionis Beatae Virginis Mariae in suprascripta ecclesia. De
eius erectione non constat, neque de comprobatione regulae. Regitur per
novem administratores. Redditus non habet, sed eleemosynas, quae non
describuntur, impenduntur tamen in ornatum altaris. Administrationum
rationes novis sindicis coram guardiano suprascripti monasterii dantur.
Oratorium Sancti Faustini campestre
Amplum, apertum et in usus prophanos conversum, et quia vicinum est
lacui Benaci in eo exules, et alii scelesti homines noctu ad perpetranda
delicta recipiuntur, quare communitas Gargnani instanter petiit dictum
oratorium sibi concedi, ut in eo hospitale Lazaretti construere possit.
Oratorium Sancti Iacobi campestre
Habet unicum altare. Nullos redditus. [f. 661v] In eo quandoque ex devotione
scholarum Sanctissimi Sacramenti loci Gargnani celebratur. Circa
oratorium est porticus sub quo aliud altare, sed nullos redditus habet.
Oratorium Sancti Thomae loci Villae in quo est schola Disciplinatorum.
Habet duo altaria. Nullos redditus. In eo tamen aliquando celebratur ex
devotione scholarum. Fabricae huius oratorii curam habet massarius quidam
a vicinis electus, qui eleemosynae et administrationum rationes sindicis vicinorum
coram archipresbytero reddit. Adest legatum ducatorum 10 semel
tantum a Bartolomeo de Agnolinis conditum pro fabrica altaris unius.
Schola Disciplinatorum suprascripti oratorii. Non erecta. Regulas
neque redditus habet. Regitur tamen per quosdam administratores qui non
mutantur.
Ecclesia Sancti Bartholomei, loci Costae
Non consecrata. Habet quatuor altaria, nullos redditus, sacristiam parvam,
coemiterium, domum sacerdotalem ecclesiae annexam in qua cappellanus
45