san carlo parte iniziale volume 5 valletrompia.qxd - Brixia Sacra

VALLE SABBIA
ingressum portae occidentalis construatur cappella, quae extra parietem
promineat, pingatur, ornetur et [f. 932r] claudatur ad formam et in ea baptisterium
ad formam collocetur et haec omnia infra duos annos; vas autem,
in quo nunc aqua baptismalis asservatur usui esse poterit huic vel alii ecclesiae
pro aqua benedicta. A parte evangelii cappellae maioris exstruatur
fenestra, quae ornetur, claudatur et in ea vas olei infirmorum collocetur
infra mensem. Cappella maior claudatur clathris ferreis infra sex menses.
Altare Rosarii ad formam reducatur. Fiat icona et pingatur fornix. Claudatur
clathris ferreis in gradu lapideo, ita tamen ut spatium cubiti unius et
unciarum sexdecim inter bradellam et clathra ferrea remaneat. Provideatur
de paramento albo serico et haec omnia infra annum expensis societatis
Rosarii. Armarium ibi prope a latere evangelii pariete obturetur infra 3
dies. Altare Sanctissimi Sacramenti ad formam reducatur et a tergo altaris
claudatur assidibus pictis vel muro decenti locus pro asservandis suppellectilibus
scholae. In ingressu cappellae addatur alius gradus inferior lapideus
ad mensuram ostii, ut commode ingredi possit et haec omnia expensis
scholae Sanctissimi Sacramenti infra mensem.
Altare Sancti Ioannis Baptistae tollatur infra tres dies. Labrum aquae
benedictae, quod est in pariete tollatur et aliud decens comparetur. [f.
932v] Soffita ecclesiae resarciatur infra mensem. In coemiterio erigatur
crux. In sacristia fiat armarium aliquantulum depressius, ex quo commode
accipi possint indumenta sacerdotalia, cum sacerdotes induuntur, pro
celebratione missarum infra tres menses. Fiat paramentum album et alterum
viride cum suis ornamentis infra mensem. Provideatur de vase pro
abluendis corporalibus infra mensem. In erudiendis pueris et aliis in doctrina
christiana, curatus non modo se ipsum sollicitum praestet, verum
etiam alios excitet, qui scholae Institutionis christianae iam institutae
adscripti operam navent.
Schola Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore servet regulas ad
usum totius provinciae Mediolanensis editas. Scholares Sanctissimi Sacramenti
cum sanctissima eucharistia ad infirmos defertur ultra illa quattuor
intortitia, alia etiam duodecim saltem nec plura lumina adhibeant. Distributio
panis in die purificationis Beatae Virginis Mariae et carnium assatarum
in die Paschatis usu tantum introducta, quae tam divitibus quam pauperibus
fit expensis scholae Sanctissimi Sacramenti cum praeter eleemosy-
233