san carlo parte iniziale volume 5 valletrompia.qxd - Brixia Sacra

VALLE SABBIA
urceolis infra mensem. Praeterea, quam primum poterit, comparentur
omnia ad usum huius ecclesiae et eius sacristiae, quae de suppellectili necessaria
parochiali ecclesiae in instructionibus generalibus commonstrata sunt.
Schola Sanctissimi Sacramenti, quae cum non docuerit de eius legitima
erectione, erecta iam nunc est ab illustrissimo visitatore, servet regulas ad
usum provinciae Mediolanensis editas. Singulo anno ad administrationum
rationes vicario foraneo, vel cui ille demandarit, reddat. Distributio eleemosynarum,
quae per deputatos communitatis sub appellatione charitatum
fit, non indistinctim pauperibus et divitibus deinceps erogentur, sed
tantum vere pauperibus fiant, adhibito etiam iudicio et testimonio parochi
et piorum hominum, qui a communitate deputentur, qui tamen a vicario
foraneo aut a reverendissimo episcopo probati sint, sub poena [f. 943v]
restitutionis dupli secus distribuentibus, exceptis tamen illis legatis, ex
quorum exhibitione constabit, ordinatio eleemosynae tam aliis personis
quam pauperibus debere distribui.
Clericus in habitu, qui missis et aliis parochialibus officiis inserviat, ex
fructibus beneficii a curato sustineatur. Presbyter Franciscus Berutius, curatus
in visitatione infirmorum, in erudiendis pueris et aliis in doctrina christiana
et aliis parochialibus officiis praestandis magis sollicitum se praebeat.
Idem presbyter Franciscus infra mensem examini casuum conscientiae se
praesentet approbandum, quo termino elapso, si praevio examini approbatus
non fuerit, ab audiendis confessionibus penitus abstineat et quamdiu sic
suspensus permanserit sacerdotem alium ex fructibus beneficii habeat, qui
eius vice sacramentum paenitentiae ministret. Reverendissimus ordinarius
processum de incontinentia, de negotiis secularibus contra suprascriptum
presbyterum Franciscum in visitatione incoeptum quam primum perficiat.
In ecclesia inferiori Sanctae Mariae in Arce 3
Altare maius claudatur clathris ferreis a parte anteriori in gradu lapideo superiori
infra tres menses. Foramina in altari a parte epistolae muro obturentur,
infra tres dies. Fenestrae a parte epistolae vitreis muniantur infra mensem. [f.
944r] Altare Sanctae Luciae ad formam reducatur. Provideatur de cruce aenea.
Fiat integumentum et claudatur infra duos menses. Fenestra super altari
omnino muro obturetur infra octo dies. In sacristia fiat oratorium et lavatorium
infra mensem. Provideatur de corporalibus et de sacculis viridis, albi et
violacei colorum infra 18 dies, de paramento viride, item de altero violacei
255