san carlo parte iniziale volume 5 valletrompia.qxd - Brixia Sacra

BRIXIA SACRA
possidentur et ab annis compluribus missae non celebrantur. Praedictus
presbyter Manfredus in visitatione promisit dicta bona libere relaxare
modo heredes impensas omnes in lite factas ei restituant, quod se facturos
polliciti sunt. Dictum oratorium habet annexam domum in qua habitat
presbyter Manfredus de Orlandis, qui censum annuum solvit abbati loci
Leni, cuius abbatiae hoc oratorium membrum esse dicitur.
Ecclesia Sancti Dominici
Est in domibus ruralibus canonicorum Lateranensium Sancti Salvatoris civitatis
Brixiae. Consecrata ut creditur. Habet tria altaria, et in ea diebus festis,
et ter [f. 669r] in hebdomada, celebratur, adest etiam sacristia parva.
Ecclesia Sanctae Mariae loci Supine
Non consecrata, habet tria altaria, videlicet altare maius, in quo ex devotione
Ioannis Baptistae de Sgrafignolis quotidie cum mercede annua ducatorum
25 celebratur per presbyterum Nicolaum de Capucinis annorum 31.
De ordinibus et licentia audiendi confessiones legitime docuit. In casibus
conscientiae peritus. Vir pius et probatae vitae. Residet in loco Supine et in
domo paterna habitat. In suprascripta ecclesia die vigesima cuiuslibet mensis
ex voto incolarum Tusculani missa solemniter canitur. Fabricae et ornamentorum
huius ecclesiae, quae ex eleemosynis conficiuntur, curam habet
massarius, qui singulis annis a commune Tusculani eligitur, et administrationum
rationes vicario foraneo redduntur.
Ecclesia Sancti Michaelis Decaneae loci Gaini
Consecrata creditur. Habet tria altaria. Redditus annuos vero ducatorum
quinquaginta, qui exiguntur super tot bonis stabilibus, ipsis hominibus
Decaneae suprascriptae relictis, cum onere conducendi sacerdotem, qui
quotidie celebret in dicta ecclesia exceptis solemnioribus festis, quibus
suprascriptus sacerdos in parochiali Tusculani celebrare teneatur. Cappellanus
amovibilis nunc est presbyter Petrus de Grisetis annorum 45, qui de
ordinibus docuit [f. 669v] sed in litteris presbyteratus visum est quod abrasit
verba quibus dicebatur “ad titulum paupertatis congregationis Somaschae”
et eorum loco sumpsit “ad titulum patrimonii secundum concilium”,
qua de re ab ordinario confecto processu constituta poenitentia
liberatus fuit, ut constitit ex sententia quam exhibuit. Legit, sed non intel-
76