san carlo parte iniziale volume 5 valletrompia.qxd - Brixia Sacra

BRIXIA SACRA
MEDOLE (MN), SANTA MARIA ASSUNTA
[Decreta particularia, II, ff. 991r-992r
Brescia, XXIX, q. 10, ff. 76r-77r]
[Visita apostolica, II, pp. 235-241]
[f. 991r] In ecclesia Sanctae Mariae Assumptionis loci Medularum
Pensio reservata domino Pompeo Ucelio super fructibus parochialis seu
archipresbyteralis ecclesiae Medularum in visitatione sequestrata eidem
Ucelio pensionario relaxetur, qui litteras apostolicas dictae pensionis in
actis visitationis exhibuit.
In oratorio Sancti Rochi Medularum
Confratribus societatis Sanctissimae Trinitatis perpetuo uti liceat oratorio
de Sancti Rochi nomine noncupato prout etiam instrumento concessionis
per illustrissimum visitatorem factae die sabbati tertia mensis decembris
1580 concessum est 1 si tamen leges et conditiones eiusdem concessionis
instrumento exaratae plane observentur praesertim: ut confratres ipsi die
festo Sancti Rochi pro recognitione iurium parochialium singulis annis
cereum unum album ponderis librarum duarum persolvant; cappellanus qui
pro tempore eiusdem confraternitatis sumptibus sustinebitur in dicto oratorio
etiam diebus festis ecclesiae praecepto, sive consuetudine votove
colantur, celebrare liceat, ita tamen ne curationi animarum missaeve parochiali
impedimento sit vel ut post eandem missam parochialem sacrificium
faciat; omnibus diebus festis ut supra praesens adsit missis conventualibus
et vesperis completorio et processionibus dictae ecclesiae parochialis; in
festo patroni ecclesiae parochialis celebret missam in dicta ecclesia ac etiam
festis solemnibus Domini ut puta in Nativitate Domini, Paschate, Pentecoste
et festo Corporis Domini; [f. 991v] ita se gerat in omnibus ut adiumento
sit archipresbitero et parochiali ecclesiae animarumque curationi, non
autem impedimento aut damno. Idem cappellanus ad sacramenta ministranda
ab ordinario approbatus, confessiones confratrum audire aliaque
sacramenta de licentia tamen parochi, archipresbiteri nuncupati, ministrare
possit ad praescriptum etiam decretorum praefati illustrissimi visitatoris.
Prefati confratres eorumve successores nullo unquam tempore super
assignatione dicti oratorii quavis causa et occasione etiam praetextu bonorum
mobilium et immobilium et se moventium quae pro tempore relinqui
354