san carlo parte iniziale volume 5 valletrompia.qxd - Brixia Sacra

RIVIERA DEL GARDA
facultate a Sancta Sede apostolica impetrata. Singulo anno, ut solent, coram
vicario foraneo administrationum rationem referant.
In oratorio campestri Sanctae Mariae de Supina
Cappella maior claudatur clathris ferreis in gradu lapideo fixis infra sex
menses. In cappella maiori fenestra amplior fiat et vitreis muniatur. Altaria
lateralia tollantur infra tres dies. Sacristia construatur infra annum et
labium aquae benedictae comparetur. Suffitta resarciatur infra mensem.
Deputati fabricae huius oratorii singulis annis administrationum rationem
coram vicario foraneo reddant.
In ecclesia Sancti Michaelis Deganeae
Bradella altaris in tres gradus distinguatur computato gradu lapideo, et
altare ad formam clathris ferreis sepiatur. Fenestella in nicia cappellae
maioris a parte epistolae muro obstruatur. In cappella fenestella amplior
fiat et decentior a qua sufficienter [f. 870v] lumen recipi possit et clathris
ferreis muniatur. Columna cerei paschalis e medio cappellae infra tres dies
tollatur. Altare Sancti Rochi provideatur de cruce, firmetur et ornetur icona.
Pingatur fornix et sepiatur ad formam infra sex menses. Altare Sanctissimae
Trinitatis reducatur ad formam altaris Sancti Rochi et claudatur.
Fiant postes ostio campanilis. Labium aquae benedictae ad formam comparetur
infra mensem. Caemiterium claudatur et mundetur ab arboribus et
crux in eo erigatur infra quindecim dies. Pingatur sancti Michaelis imago
super portam maiorem infra mensem. Infra duos annos sacristia fabricetur
et de paramentis et palio albo provideatur, de corporalibus, velis, purificatoriis
ac etiam de vase pro eorum ablutione.
Cappellanus Sancti Michaelis Deganeae illis diebus festivis solemnibus,
quibus consuevit accedere ad celebrandum et inserviendum divinis officiis
in archipresbiterali ecclesia Tusculani, ita opportune missae sacrificium in
ecclesia Sancti Michaelis faciat, ut reliquis officiis intersit in archipresbiterali
ecclesia, quod si forte ob celebrationem dictae missae populus Decaneae
ab archipresbiterali et parochiali ecclesia iudicio reverendissimi episcopi
averteretur et subterfugeret, cappellanus in dicta archipresbiterali [f.
871r] illis ipsis diebus festis, ut antea consuevit, celebret. Cum huius ecclesiae
vicini sint numero 500 et a parochiali per milliaria circiter duo distent
et iter montuosum sit ac asperum et difficile, eis sacramenta a curato
83