san carlo parte iniziale volume 5 valletrompia.qxd - Brixia Sacra

VALLE SABBIA
neo sacerdote provideat, qui in domo a communi Hidri prope ecclesiam
Sancti Michaelis constructa resideat, attento quod villae in quibus nunc
populus habitat ab ecclesia et domo archipresbyterali distant spacio milliaris
unius, et lacus intermediat, quin multoties [f. 904v] propter inondationem
aquarum et ventorum rabiem transvadari non potest.
Populus intra sex menses domum suprascriptam perficiat quam in fundo
ecclesiae aedificat prope ecclesiam Sancti Michaelis; et ubi habitari
poterit, archipresbyter statim se in eam transferat sub poena aureorum
quinquaginta et in eadem resideat, dormiat et cibum capiat 2 , liceat tamen
hominibus dicti loci in aulam inferiorem domus suprascriptae convenire 3
tantum per annos quinque proxime futuros ut cum illustrissimo visitatore
ab agentibus populi conventum est ut in eo termino poterit alium locum
pro congregationibus populi alibi aedificare. Ex fructibus autem archipresbyteratus
aurei quinquaginta populo dentur, videlicet quotannis aurei
decem usque ad quinquennium ob sumptus quos ipse populus fecit ac in
dies facit in construendas domus ipsius ecclesiae.
Per archipresbyterum infra mensem illustrissimo visitatori exhibeantur
authentica instrumenta transactionis, seu 4 relaxationis quarantularum factae
etiam communi et hominibus loci Trevisii ut opportune provideri possit
indemnitati ecclesiae. In erudiendis pueris et aliis in institutione christiana
archipresbyter et eius coadiutor, quam poterint, assidui et solliciti
sint, adhibitis etiam aliis, qui in hoc munere adiumento eis esse possint diebus
praesertim festivis, ea hora qua in eorum schola sunt exercendis et ad
eos quoque spirituales sermones et exhortationes habeant.
[f. 905r] Vicarius foraneus pro tempore in hoc vicariatu Hidri maiorem
adhibeat diligentiam in festorum observatione et contra eorum violatores
ad praescriptum canonum, et conciliorum provincialium severe procedat.
Nundinae ne deinceps fiant diebus festis ad praescriptum constitutionum
summorum pontificum et conciliorum provincialium sed illas reiici possint
in diem praecedentem seu subsequentem simili festo non impeditum.
In oratorio Sancti Rochi loci Cronarum
De cruce et candelabris aeneis provideatur; fenestrae cappellae speris ex
tela cerata muniantur. Armariolum in cappella a parte evangelii muro obturetur.
Bradella ad formam reducatur infra mensem. Cappella sub arcu crucifixi
claudatur. Tectum sarciatur et assidibus suffitetur. Fenestella in parie-
163