san carlo parte iniziale volume 5 valletrompia.qxd - Brixia Sacra

RIVIERA DEL GARDA
Baptistam Botasium, cui adnumeratis etiam missis, quas in ecclesia Sancti
Petri Tusculani celebrat, viginti quinque ducati in annum attribuunt. Praedictus
praesbyter Baptista Botasius est aetatis annorum 70. De ordinibus
legitime docuit, [f. 668r] legit sed non intellegit. Bonae vitae, ut dicitur,
residet Tusculani et in domo propria habitat.
Altare Sancti Hieronymi habet legatum nonnullorum bonorum immobilium
de iurepatronatus, ut dicitur, illorum de Braciolis. Eius redditus
annui sunt ducatorum 20 cum onere missae quotidianae, cui satisfacit, et
redditus percipit presbyter Manfredus de Orlandis annorum 67, qui de
ordinibus, praeterquam de quatuor ordinibus minoribus et prima tonsura,
docuit, legit et aliquid intellegit. Tusculani residet et in aedibus ecclesiasticis
prope oratorium Sancti Benedicti habitat ut infra.
Mons pietatis
De eius fundatione non constat. Habet capitale librarum circiter 330.
Regulas non habet. Regitur per massarium per Commune dicti loci Tusculani
electum, qui in propriis domibus gratis illum exercent. Super pignoribus
usque ad summam librarum 4 mutuo datur, administrationum rationes
singulis annis vicario foraneo redduntur.
Oratorium Sancti Antonii
Habet unicum altare. Nullos redditus. In eo celebratur ex devotione infrascriptorum
Disciplinatorum, qui illud de praesenti reedificant et ornant, in
eius porticibus extrinsecis fit 4 pilae ludus.
Schola Disciplinatorum Sancti Antonii
Erecta. Habet regulas approbatas, nullos redditus, sed eleemosynas, quae in
celebratione missarum [f. 668v] impenduntur, in instauratione et ornatibus
dicti oratorii. Regitur per priorem et alios administratores, qui singulis
annis mutantur, et administrationum rationes vicario foraneo redduntur.
Oratorium Sancti Benedicti
Inornatum. Habet duo altaria, et legatum Pasquini de Comenzolis ducatorum
sex in annum, cum onere missarum trium in hebdomada, pro quo reddit[o]
heredes assignant quedam bona, quibus evictis per quasdam moniales
civitatis Brixiae, cessa fuere presbytero Manfredo Orlando, a quo etiam
75