san carlo parte iniziale volume 5 valletrompia.qxd - Brixia Sacra

SALÒ
quod habeat quovis praetextu sub poena aureorum vigintiquinque et excomunicationis
in subsidium prout eidem in facie praeceptum fuit.
Domina Paula uxor domini Bertelli de Bertellis prout in facie eidem
praeceptum fuit infra tres dies cum eius marito cohabitet sub poena excomunicationis.
Ioannina uxor magistri Antonii Bertonici in loco Cacaberii ab omni
conversatione et comercio inhonesto cum Petro de Dolcenis abstineat
deinceps poena aureorum quinquaginta et excomunicationis in subsidium
prout eidem in facie praeceptum fuit. Hierominus Passus Catharinam eius
concubinam omnino missam faciat nec cum ea deinceps cohabitationem,
conversationem aliquodve genus comercii habeat sub poena aureorum
quinquaginta locis piis applicandorum et excomunicationis in subsidium.
Iisdem poenis contra inconfessos et concubinarios in suo vicariatu si qui
erunt procedat vicarius foraneus termino qui mensem non excedat illis
assignato, quo lapso si non paruerint eos ipsos a propriis curatis ab ecclesiae
ingressu interdici mandet sub poena aureorum vigintiquinque locis
piis applicandorum ipsis curatis constituta.
[f. 968r] Pro scholis
Schola confratriave Sanctissimi Sacramenti, Sanctae Catharinae, Sancti
Antonii, Sancti Ioseph, Sancti Cristophori quae cum non docuerint de
earum legitima erectione ab illustrissimo visitatore iam nunc erectae sunt;
unaquaeque earum habeat regulas ad usum communem provinciae Mediolani
edendas, quas ut observent scholares quam diligenter curabit archipresbiter
aliusve a reverendissimo episcopo delegatus, qui etiam singulo anno
cum rationes reddantur librosque in quos sumptus, calcula et computus
referuntur videat et ubi conformes recte administrationi et bene confectos
noverit subscribat, si quid etiam reformatione, correctioneve egere viderit
ad episcopum deferat. Schola Sanctissimi Sacramenti, Sancti Antonii, Conceptionis
Beatae Virginis Mariae sex mensium termino eorum redituum
authentica legata pia coram ordinario exhibeant, qui ut ea omnino praestentur
quae ex legatis ipsis debent provideat.
Si quid vero ab eo despensationis genere supererit, potissimum ad ornatum
eorum capellae et altaris ut opus fuerit expendat, tum postremo in
alios etiam usus pios non tamen alienos a dispositione pia legantium rectae
administrationi scholarium reverendissimi episcopi iudicio relinquatur. In
315