san carlo parte iniziale volume 5 valletrompia.qxd - Brixia Sacra

BRIXIA SACRA
reverendissimum episcopum approbandam transmittant ut, cum perfecta
fuerit vel saltem ad meliorem formam redacta, in ea omnia officia parochialia
administrari possint. Retineatur tamen usus celebrandi et sepeliendi in
ecclesia Sancti Laurentii. Baptisterium, quod in ea est, transferatur in angulum
sinixtrum in ingressu portae maioris, et sepiatur clathris ligneis, decentius
teneatur donec cappella pro baptisterio in ecclesiae restaurata aedificetur.
Capsula eleemosinarum in ecclesia Sanctae Mariae Elizabeth, 2 duabus
diversis clavibus claudatur, quorum altera apud curatum altera apud deputatos
asserventur, eleemosinae tamen sint omnino ecclesiae, non curati.
In ecclesia Sancti Laurentii loci Vestoni
Altare maius ad formam reducatur. Cappella maior clathris ferreis claudatur,
et sedilia lignea chori aptentur infra sex menses. Omnia altaria lateralia
huius ecclesiae tollantur et cappellae duae ad formam instructionum fiant,
una in pariete meridionali, in medio spatii arcuum, in quo est ostium laterale
per quod accessus ab ecclesia ad coemiterium patet, quae cappella extra
parietem brachiis circiter quinque cum dimidio in totum proemineat, latitudinis
brachiorum novem vel circa, altitudinis quae latitudini convenienter
respondeat; altera vero in pariete aquilonari inter eosdem arcus et e
regione alterius suprascriptae, quae illi [f. 911v] in proeminentia, altitudine,
latitudine et structura conveniat, et in illis altaria construantur, ornentur
et claudantur ad formam. Ostium laterale aliud inter arcus in alio spatio
superiori, cappellam maiorem versus, construatur. Suggestus transferatur
similiter in aliud spatium cappellam maiorem versus, et construatur
iuxta pilastrum arcus, ita tamen ut non impediat cappellam construendam.
Pavimentum ecclesiae reficiatur infra mensem. Ostio campanilis valvae
fiant. In coemiterio erigatur crux. Ab eodem tollantur arbusta infra tres
dies. Super ostium maius ecclesiae pingatur imago Sancti Laurentii. In sacristia
provideatur de corporalibus, et eorum sacculis. Fiat paramentum album
cum suis ornamentis, et de palliis altarium provideatur infra tres menses. In
hac ecclesia, ubi alias cura exercebatur, et nunc etiam in eius coemiterio
sepelitur, ter saltem in hebdomada et diebus festis celebretur per curatum
vel per cappellanum vicecurati celebrantem in ecclesia Sanctae Elizabeth.
Schola Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore, servet regulas ad
usum communem provinciae Mediolanensis edendas. Scholares singulo
176