san carlo parte iniziale volume 5 valletrompia.qxd - Brixia Sacra

RIVIERA DEL GARDA
qua sancti nomen cuius sanctae ossa sunt, quo tempore recondita revisusque
unde translata et a quo, perspicuo cognoscatur, facta etiam mentione
alterius recognitionis factae de anno 1486. Operculo suo fastigiato cooperiantur
quod cum arca fibulis ferreis plumboque [f. 874r] et bitumine ita
conglutinatum sit ut ne rimula quidem appareat.
Mensa altaris quattuor columellis in angulis suffulta super arca constituatur
et ut commodius consecrari possit fossaque pro sigillo consecrationis
in medio superficy mensae excavetur. Reverendissimus episcopus diligenter,
servatis quae de recognitione reliquiarum a quarto provinciali concilio
constituta sunt, ex probatis codicibus et artis monumentis antiquave
traditione et omni denique alia ratione qua constet vitae huius sancti episcopi
historia colligi et in codicem certo loco in sacristia asservandum
referre curabit, in cuius extrema parte paucis item verbis quo tempore quove
modo sacrae illae reliquiae translatae vel reconditae sunt exponatur.
Aliae reliquiae in serico panno involutae in suprascripta arca cum inscriptionibus
collocari poterunt.
A parte evangelii in cappella maiori fenestella construatur ad formam et
in ea oleum infirmorum in vase et scatula decenti ponatur. Testudo confessionis
destruatur et planum illius situs ita extollatur ut planum corporis
ecclesiae cubito uno et unciis tribus superetur. Gradus tres marmorei fiant
in transverso ecclesiae in loco ubi nunc est frontispicium confessionis.
Murus sub arcu campanilis inter columnam et arcum cappellae novae [f.
874v] maioris construatur et a columna item ad murum lateralem ecclesiae,
per quod campanile dividatur a navi relicto in eo ostio pro campanili, dirigatur.
Idem etiam fiat ab altero latere ecclesiae ut sibi recte respondeant et
inter has columnas in transverso cappellae fiant tres gradus unciarum
novem qui constituent planum sacerdotum ante altare et chori post altare
et super gradu superiori figantur clathra ferrea ad formam.
Altare maius construatur sub medio cappellae novae et sub illo transferatur
arca Sancti Herculiani ut supra. In ingressu altaris fiant duo gradus
marmorei et bradella ex tabulis sectilibus qui a tribus partibus altare circundent,
quae omnia ad formam in libro instructionum praescriptam fiant.
Chorus post altare fiat in cappella nova. Gradus illi per quos a sacristia in
ecclesiam ascenditur, tollantur et alii qui descendant, construantur quot
necessarii erunt. Altaria Sanctorum Catharinae, Bernardini et Beatae Virginis
Mariae a parte aquilonari infra quattuor dies tollantur; quibus elapsis in
95