san carlo parte iniziale volume 5 valletrompia.qxd - Brixia Sacra

BRIXIA SACRA
commutationem legati Peregrini de Peregrinis pro celebratione tot missarum
a Sede apostolica obtinuerint, computatis etiam redditibus dicti legati
sumptu proprio, ut se in actis visitationis obligarunt, provideant de sacerdote
idoneo qui singulis diebus festivis de praecepto et semel in hebdomada
diebus ferialibus celebret, institutionem christianam doceat et praevio
examine approbatus etiam sacramentum poenitentiae ministrare possit.
In ecclesia Sancti Georgii de Ruina
Cappella maior clathris ferreis claudatur, fenestris ecclesiae sperae ex tela
cerata adhibeantur, iconae Sancti Georgii coronices et ornamenta adhibeantur.
Altare Sancti Philippi et Beatae Virginis Mariae tollantur infra tres
dies. Labium aquae benedictae comparetur infra decem dies 6 . Sepulturae in
caemiterio fiant et caemiterium ipsum claudatur ne pateat ingressus bestiis.
In facie ecclesiae imago Sancti Georgii pingatur. Parietes ecclesiae extrinsecus
muro compleantur et adequentur. Sacristia infra annum fiat et de
corporalibus eorumque sacculis, purificatoriis, pelvicula pro urceolis provideatur
infra mensem.
[f. 872v] In oratorio Sancti Sebastiani loci Gayni plebatus Tusculani
Provideatur de cruce, candelabris aeneis infra mensem. De duobus corporalibus
et eorum sacculis, de purificatoriis item infra mensem.
In oratorio Sancti Antonii Disciplinatorum Tusculani
Fiant icona, crux et candelabra aenea infra mensem. Subtus altare muro
impleatur. Altaria lateralia integantur, ornentur, claudantur ad formam et
provideantur de necessariis nec ante in eis celebretur. Oratorium fornice
tegatur infra sex menses et perficiatur.
In oratorio Sancti Benedicti
Altare maius adaugeatur et claudatur septo ligneo. Altare laterale tollatur et
eius onera et emolumenta iam nunc ad altare maius transferuntur. Provideatur
de petra sacrata ad formam, de cruce, candelabris infra duos menses, nec
ante celebretur in eo quam de suprascriptis provisum sit et interim eius onera
adimpleantur in altari maiori archipresbiteralis ecclesiae. Incrustentur parietes
et tectum tabulato 7 fulciatur infra duos menses. Columna in medio ecclesiae
tollatur infra tres dies. Provideatur de labio aquae benedictae decenti. Obturetur
fenestella in pariete versus 8 septentrionem et fiat versus meridiem.
86