san carlo parte iniziale volume 5 valletrompia.qxd - Brixia Sacra

BRIXIA SACRA
Altare Sancti Antonii cum schola, ut infra, dotatum a Comenzolo de
Curciis nonnullis bonis stabilibus, quae vendi aut alienari non possint, cum
onere missae quotidianae; et ius eligendi sacerdotem et cappellanum competit,
ut dicitur, comunitati suprascripti loci et familiae Buzonum, inter quos
olim, orta lite, reverendissimus episcopus Brixiensis de consensu utriusque
partis bona dipartitus est, et duas titulares cappellanias constituit cum onere
missae quotidianae, quarum cappellaniarum altera esse de iurepatronatus
communitatis, altera vero familiae Buzolorum. Redditus annui uniuscuiusque
suprascriptarum cappellaniarum sunt librarum 300 planetarum.
Titularis 3 cappellaniae comunitatis est presbyter Petrus Bestollus annorum
***, de ordinibus et titulo docuit, preter [f. 713v] quam de quatuor
minoribus. Scientia tolerabilis in munere coadiutoris curae animarum, quo
fungitur, in hac parochiali pro ut etiam de facultate docuit. Bonae vitae, ut
dicitur, et habitat in aedibus patrimonialibus, et per se ipsum satisfacit oneri.
Titularis cappellaniae Buzonorum est presbyter Cominus Acursius
annorum 53, de titulo et de ordinibus docuit, et per se ipsum oneri suprascriptae
cappellaniae satisfacit; est etiam ludi magister, professionem ***
emisit. Scientia humanarum literarum eruditus, bene audit, et habitat in
aedibus patrimonialibus.
Altare Sanctae Mariae et Sanctorum Iacobi et Filippi cum schola Rosarii,
dotatum a Iacobo de Bertollis nonnullis bonis stabilibus, cum onere
missae quotidianae celebrandae a sacerdote per communem dicti loci de
consilio patris guardiani Sancti Bernardi Salodii electo, et ad eorum nutum
amovibili, et quod in suprascriptis bonis aliquis ecclesiasticus nec etiam
papa possit interponere se. Redditus annui dictorum bonorum sunt ducatorum
55. Cappellanus amovibilis nunc est presbyter Romulus Vicerotus,
annorum 52, de ordinibus docuit, et per se ipsum oneri satisfacit. Scientia
etiam tolerabilis ad confessiones audiendas. Bonae vitae, sed rixosus. Habitat
in aedibus patrimonialibus.
Altare Iesu habet legatum ab Andrea de [f. 714r] Bordegariis conditum
nonnullorum bonorum ex quorum redditibus per commune Salodii tertia
pars sacerdoti quotidie in dicto altare celebranti daretur. Altera tertia pars
sacerdoti quotidie celebranti in oratorio Santi Ioannis Baptistae Salodii,
verum bona, quae erant in agro Desenzani a communi vendita fuere, et
loco reddituum solvit annuatim ducatorum 12 pro celebratione tot missarum.
Cappellanus est presbyter Angelus de Batucellis annorum 55, de
276