san carlo parte iniziale volume 5 valletrompia.qxd - Brixia Sacra

VISITA AI MONASTERI
Salò, Monastero di San Benedetto
[a. Acta visitationis, ff. 741v-742r
Brescia, XIII, q. 4h, ff. 18r-v]
[b. Decreta particularia, I, ff. 183v-185v
Brescia, X, q. 19, ff. 153r-155r; XIII, q. 9, f. n.n. (pp. 42-46)]
[a.] MONASTERIUM SANCTI BENEDICTI
[f. 741v] Visitavit ecclesiam, monasterium ac sacristiam monialium Sancti
Benedicti loci Salodii Brixiensis diocesis sub regula Sancti Augustini militantium,
quae regimini ac curae reverendissimi ordinarii subsunt. Primo
autem loco exteriorem ecclesiam visitavit, deinde a tribus sacerdotibus aetate
provectioribus in monasterium deductus a monialibus congruo processionis
ordine in capitolum exceptus fuit, ubi habuit de more sermonem.
Primo loco ecclesiam interiorem tum clausuram totam, deinceps monasterium
et cellas omnes diligenter exquisivit. Ecclesia exterior est satis
ampla et est consecrata ut dicitur. Sanctissimum Sacramentum assidue
asservatur in tabernaculo ligneo super altari maius. Altare maius est sub
capella magna satis ampla fornicata non septa. Adest capella parva extra
ecclesiam cum altari quae habet ostium et fenestram arcam versus. Adest
latrina iuxta cappellam maiorem in domo cappellani. Ecclesia interior non
adest, sed habent fenestras in fundo ecclesiae unde e thalamo missam
audiunt et Sanctissimum Sacramentum accipiunt: indecentes nam omnia
quae in ecclesia sunt vident, et videri possunt ab exteris.
In eo sunt moniales numero 14, videlicet: professae officio adstrictae
cum velo nigro numero 6; professa una officii addicta cum velo albo, quae
tamen nescit legere; novitiae duae officio addictae, ex quibus una parum
scit; conversae professae numero 4; novitia una pro conversa. Redditus et
onera, ut in schedula ab eis data subscripta, et iusiurando munita signata B.,
librarum 667, solidorum 16, denariorum – monetae brixiensis. Alere
possunt ad summum personas decem.
Confessor earum est reverendus dominus presbyter Stefanus Bertazolus,
qui eis amore Dei inservit. Cappellanus est presbyter Franciscus de
Bonisellis, cui subministrant victum quottidianum, domum monasterio
331